| e-texts navigator |
| Wylie |
199a1 སོ་སྙམ་མོ།། དེ་ནས་ཀུ་ཤིའི་གྲོང་ཁྱེར་ནས་སྐྱེས་པའི་གྱད་རྣམས་ཐི་བའི་སྐད་ལྟར་སྙན་ཅིང་འཇེབས་པ་རིང་འཇམ་པའི་དབུགས་ཕྱུང་ནས། མཆི་མ་དག་ཕྱུང་སྟེ། བཅོམ།།
199a2 ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འཁོད་དོ།། དེ་ནས་བཅོམ་ལྡན་པ་དས་དགེ་སློང་གི་དགེ་འདུན་དང་ཐབས་ཅིག་ཏུ་རྡོ་ཆེན་པོ་ཡངས་པ་དེའི་ཕྱོགས
199a3 གཅིག་ཏུ་བཞུགས་སོ། ། ཀུ་ཤིའི་གྲོང་ཁྱེར་ནས་སྐྱེས་པའི་གྱད་རྣམས་ཀྱང་རྡོ་ཆེན་པོ་ཡངས་པ་དེ་ཉིད་ཀྱི་ཕྱོགས་གཅིག་ཏུ་འཁོད་དོ།། དེ་ནས་བཅོམ་ལྡན་འདས་ཀུ་ཤིའི་གྲོང་ཁྱེར་ནས
199a4 སྐྱེས་པའི་གྱད་རྣམས་ལ་ཤད་ཀྱིས་སྦྱོང་བ་ལྟར་མཛད་ཅིང་། ཀུ་ཤིའི་གྲོང་ཁྱེར་ན་སྐྱེས་པའི་གྱད་རྣམས་ལ་འདི་སྐད་ཅེས་བཀའ་སྩལ་ཏོ།། གནས་འཇོག་གི་རྒྱུད་དག་རྡོ་ཆེན་པོ་ཡངས
199a5 པ་འདི་ནི་བསྐལ་པ་དང་པོ་པའི་མི་རྣམས་ཀྱི་རྩོལ་བའི་རྡོར་གྱུར་ཏེ། འདི་ལྟར་དེང་སང་ཡང་དེ་ལ་སོར་མོའི་རྗེས་དག་སྣང་བའི་ཕྱིར་རོ།། གནས་འཇོག་གི་རྒྱུད་དག་དེ་ལྟར་འདུ་བྱེད་ཐམས་ཅད་ནི།
199a6 མི་རྟག་པ། མི་བརྟན་པ། ཡིད་བརྟན་དུ་མི་རུང་བ། རྣམ་པར་འགྱུར་བའི་ཆོས་ཅན་དག་ཡིན་ཏེ། འདུ་བྱེད་ཐམས་ཅད་ཀྱི་བར་གྱི་ཆོག་པ་ཉིད་དོ།། སྐྱོ་བར་བྱ་བའི་རིགས་སོ།། འདོད
199a7 ཆགས་དང་བྲལ་བར་བྱ་བའི་རིགས་སོ། ། རྣམ་པར་གྲོལ་བར་བྱ་བའི་རིགས་སོ།། གནས་འཇོག་གི་རྒྱུད་དག་རྒྱ་མཚོ་ཆེན་པོ་ནི་རྒྱུ་བཞིས་བསྐམ་པར་མི་ནུས་སོ།། བཞི་གང་དག་གིས་ཤེ་ན
iiif viewer powered by OpenSeadragon
