| e-texts navigator |
| Wylie |
180a1 གིས་བསྒྱེལ་བར་འདོད། ཁ་ཅིག་ནི་གླང་པོ་ཆེའི་ཚོགས་ཀྱིས་རབ་ཏུ་འཇོམས་པར་འདོད། ཁ་ཅིག་ནི་སྨན་གྱི་སྟོབས་ཀྱིས་གཞིག་པར་འདོད། ཁ་ཅིག་ནི་གསང་སྔགས།
180a2 ཀྱི་སྟོབས་ཀྱིས་མི་སྣང་བར་བྱེད་པར་འདོད་པར་བྱའོ།། དེའི་ཕྱིར་བདག་ཅག་གིས་བརྩོན་པ་དང་། དྲང་བ་དང་། འབད་པ་དེ་ལྟ་བུ་དག་གིས་ཅི་ཕྱོགས་འདི་ནས་བཏེག་སྟེ། ཕྱོགས་ཅིག་ཤོས
180a3 སུ་གཞག་གོ་སྙམ་པ་དང་། དེ་དག་དང་དེ་ཉིད་ལུས་ངལ་ཞིང་ལུས་དུབ་པ། ལུས་སྐྱིབས་དགུ་པས་ཡིད་ཀྱིས་སྒྱིད་ལུག་སྟེ། གང་འདི་ཞག་ཉི་ཤུ་རྩ་དགུར་བརྩོན་པ་བྱས་པ་དེས་ཀྱང་རྡོ་ཆེནོ།།
180a4 ཡངས་པ་དེ་ཕྱོགས་དེ་ནས་ཡོངས་བསྐུལ་པར་ཡང་མ་ནུས་ན། བསྒྲེང་བ་འམ། འཕང་བར་ལྟ་ག་ལ་ཞིག་ནུས། བཅོམ་ལྡན་འདས་ཀྱིས་བཀའ་སྩལ་པ། གཞོན་ནུ་དག་གང་དེ་བཞིན
180a5 གཤེགས་པར་རྡོ་ཆེན་པོ་ཡངས་པ་དེ་ཕྱོགས་དེ་ནས་བཏེག་ནས། ཕྱོགས་ཅིག་ཤོས་སུ་འཕང་བར་བྱེད་འདོད་དམ། བཙུན་པ་བཅོམ་ལྡན་འདས་མཆོག་ཏུ་འཚལ་ལགས་སོ།། བདེ་བར
180a6 གཤེགས་པ་མཆོག་ཏུ་འཚལ་ལགས་སོ། ། དེ་ནས་བཅོམ་ལྡན་འ་དས་བླ་གོས་ཕྲག་པ་གཅིག་ཏུ་གཟར་ཏེ། རྡོ་ཆེན་པོ་ཡངས་པ་དེ་ག་ལ་བ་དེར་གཤེགས་ཏེ་ཕྱིན་ནས། རྡོ་ཆེན་པོ་ཡངས་པ་དེ
180a7 ཞབས་ཀྱི་མཐེ་བོ་གཡས་པས་ཡང་དག་པར་རབ་ཏུ་བསྐུལ་ཏེ། ཡང་དག་པར་རབ་ཏུ་བསྐུལ་ནས་ཀྱང་གཞི་ནས་མ་ལུས་པར་ཕྱུང་སྟེ། ཕྱག་གཡོན་པས་བླངས་ནས་ཕྱག་གཡས་ཀྱི་མཐིལ
iiif viewer powered by OpenSeadragon
