| e-texts navigator |
| Wylie |
179b1 རྡོ་ཆེན་པོ་ཡངས་པ་དེ་ག་ལ་བར་ཀུན་ཀྱང་ཕྱིར་ཕྱུང་སྟེ་དེང་ཞིག། དེ་བཞིན་ནོ་ཞེས་སྨྲས་ནས། དེ་དག་དེ་ཉིད་གཅིག་ལ་གཅིག་གི་ལྟར་ཉན་ཏེ། སོ་སོ་ནས་བཞོན་པ་བཟང་པོ་དག་ལ་ཞོན་ཏེ། བདག
179b2 ཅག་ནི་ས་སྟེང་འདི་ན་ཆེས་སྟོབས་དང་ལྡན་པའོ་སྙམ་དུ་རློམ་སེམས་བྱེད་ཅིང་འོངས་པ་དང་། རིགས་དང་། སྟོབས་དང་། ལུས་བྱད་དང་། དབང་ཕྱུག་གི་རྒྱགས་པས་དྲེགས་ཏེ། སྐད་མཐོན
179b3 པོ་དང་། སྐད་ཆེན་པོས་གཞ་བྱེད་ཅིང་ཅ་ཅོ་བྱེད་ལ། དགའ་མགུ་རངས་ཤིང་དགའ་བ་དང་། བདེ་བ་དང་། ཡིད་བདེ་བ་སྐྱེས་ཏེ། འབྱོར་པ་ཆེན་པོ་མཆོག་གིས་ཀུ་ཤིའི་གྲོང་ཁྱེར་ནས་ཕྱིར་བྱུང
179b4 སྟེ། རྟ་དང་། རྔ་མོ་དང་། བ་ལང་སྔོན་པོའི་མཆོག་ཏུ་ཕྱིན་པ་དང་། ཁྱུ་མཆོག་དང་། གླང་པོ་ཆེ་དང་། སྤོས་ཀྱི་གླང་པོ་ཆེ་བརྒྱ་ཕྲག་དུ་མ་དད་ནས། རྡོ་ཆེན་པོ་ཡངས་པ་དེ་ག་ལ་བ་དེར་དོང་སྟེ
179b5 ཕྱིན་ནས། རྡོ་ཆེན་པོ་ཡངས་པ་དེ་རྩིད་པའི་ཐག་པ་སྲ་བས་རྣམ་པ་ཐམས་ཅད་དུ་དཀྲིས་ནས། དེ་དག་དང་དེ་ཉིད་ཁ་ཅིག་གིས་ནི་སྐས་བཙུགས་ཏེ། རྩཝ་མུན་ཙ་དང་། བལ་བ་ཛའི་ཐག་པ་དང་།
179b6 རྟས་འདྲེན་པའི་ཐག་པ་དག་གིས་ཚུར་དྲང་བར་བྱ། ཕར་དྲང་བར་བྱའོ།། ཁ་ཅིག་ནི་རྨོ་ལྕགས་བརྒྱས་རྩ་ནས་འབྱིན་པར་འདོད་དོ།། ཁ་ཅིག་ནི་དགྲ་སྟ་དག་གིས་གཅད་པར་འདོང་ངོ་།། ཁ་ཅིག་རྡོ
179b7 རྗེས་གདབ་པ་དག་པ་དག་གིས་ཕྱེ་མར་བྱ་བར་འདོད་དོ། ། ཁ་ཅིག་ནི་ལུས་ཀྱི་སྟོབས་མཆུ་དག་བསྡམས་ཏེ་ཡོངས་སུ་བསྐུལ་བར་འདོད། ཁ་ཅིག་ནི་ཁྱུ་མཆོག་དག་དང་བ་ལང་མཆོག་ཏུ་ཕྱིན་པ་དག
iiif viewer powered by OpenSeadragon
