| e-texts navigator |
| Wylie |
178a1 པར་སྐྱེས་པའི་གྱད་རྣམས་ཀྱིས་རི་མོར་བགྱི་བ་མཆོག་གིས་རི་མོར་བགྱིས། མཆོད་པའི་མཆོག་གིས་མཆོད། བླ་མ་ལ་གུས་པའི་མཆོག་གིས་ཀྱང་རིམ་གྲོར་བགྱིས་སོ།།
178a2 བཅོམ་ལྡན་འདས་ཀྱིས་ཀྱང་དེ་དག་ལ་ཆོས་ཀྱི་སྦྱིན་པ་དམ་པ་གྱ་ནོམ་པ་བླ་ན་མེད་པས་ཕན་གདགས་པར་མཛད་དོ།། དེ་ལ་ད་བཅོམ་ལྡན་འདས་དགེ་སློང་གི་ཚོགས་ཀྱིས་ཡོངས་སུ་བསྐོར་ཞིང
178a3 དགེ་སློང་གི་དགེ་འདུན་གྱིས་མདུན་དུ་བདར་ཏེ། བདག་གི་གྲོང་གི་ཞིང་དུ་ཀུ་ཤིའི་གྲོང་ཁྱེར་དུ་གཤེགས་སོ་ཞེས་ཐོས་ལགས་ཏེ། དེ་སྐད་ཐོས་ནས་ཀྱང་བདག་ཅག་འདི་སྙམ་དུ་སེམས་ལགས
178a4 སོ། ། གང་པོ་ན་བདག་ཅག་གིས་ཀྱང་བཅོམ་ལྡན་འདས་དེ་ལ་རི་མོར་བགྱི་བ་དང་། མཆོད་པར་བགྱི་བས་བདག་ལ་ཕན་པར་བགྱི་བའི་སླད་དུ་ཀུ་ཤིའི་གྲོང་ཁྱེར་ཐམས་ཅད་ཆོ་ག་བཞིན་དུ་ཕྱག་བདར་དག
178a5 བགྱི། ཆག་ཆག་ལེགས་པར་བཏབ་པ་དང་། བྱི་དོར་ལེགས་པར་བགྱི་བ་དག་བགྱིས་ནས། རྒྱན་དང་ལྷབ་ལྷུབ་ཐམས་ཅད་ཀྱིས་བརྒྱན་པར་བགྱི། དེ་ནས་དྲི་དང་། འཕྲེང་བ་དང་། མེ་ཏོག་དང་།
178a6 བདུག་པ་དང་། རོལ་མོའི་སྒྲ་གྱ་ནོམ་པ་དག་གིས་བརྒྱན་པར་བགྱི། བདུགས་དང་། རྒྱལ་མཚན་དང་། བ་དན་དག་ཀྱང་གཟུགས་པར་བགྱི། དུས་སྟོན་ཡང་རབ་ཏུ་གཞག་པར་བགྱི། ཤུལ
178a7 གང་ནས་བཅོམ་ལྡན་འདས་གཤེགས་པར་བརྩོན་པར་མཛད་པའི་གཤེགས་ཤུལ་དེ་ལའང་ཆོ་ག་བཞིན་དུ་ཕྱག་བདར་དག་བགྱི། དེ་སླན་ཆད་བདག་ཅག་ཐམས་ཅད་ཀྱིས་བསུ་བ་བགྱིས་འབའ་ཞིག་ན
iiif viewer powered by OpenSeadragon
