| e-texts navigator |
| Wylie |
176b1 དག་གམ། གྱད་ཀྱི་བུ་གཞོན་ནུ་དག་ཉོན་ཅིག། བདག་གིས་ལམ་འདི་བསལ་བར་བརྩོན་ནོ།། རྡོ་ཆེན་པོ་ཡངས་པ་འདི་གནས་མ་ཡིན་པ་ན་འདུག་སྟེ། རྒྱལ་པོའི་ལམ་ན་གནས་པས། གང་།།
176b2 ན་བདག་གིས་རྡོ་ཆེན་པོ་ཡངས་པ་འདི་ཕྱོགས་འདི་ནས་བཏེག་ནས་ཅིག་ཤོས་སུ་གཞག་པར་བྱའོ།། དེའི་ཕྱིར་བདག་ཅག་གིས་ལམ་ཤིན་ཏུ་སྦྱངས་པར་འགྱུར་ཞིང་། དེ་བཞིན་གཤེགས་པ་དགྲ་བཅོམ
176b3 པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར་ལ། ཕྱོགས་དང་ཕྱོགས་མཚམས་སུའང་བདག་ཅག་གིས་དགེ་བ་རྒྱ་ཆེན་པོ་གྲགས་པ་དང་། སྒྲ་དང་ཚིགས་སུ་བཅད་པས་མངོན
176b4 པར་འཕགས་པར་འགྱུར་ཏེ། གང་དག་གིས་རྡོ་ཆེན་པོ་ཡངས་པ་འདི་ཕྱོགས་འདི་ནས་བཏེག་ནས་ཕྱོགས་ཅིག་ཤོས་སུ་བཞག་པས། ཀྱེ་མ་ཀུ་ཤིའི་གྲོང་ཁྱེར་གྱི་གྱད་དག་ནི་དཔའ་བ་དག་བྱུང་ངོ་།། ཀྱེ་མ་ཀུ
176b5 ཤིའི་གྲོང་ཁྱེར་གྱི་གྱད་དག་ནི་རྟུལ་ཕོད་པ་ཡང་ལག་མཆོག་གི་གཟུགས་དང་ལྡན་པ། ཆེས་སྟོབས་དང་ལྡན་པ་དག་བྱུང་ངོ་ཞེས་ཟེར་གྱིས། དེའི་ཕྱིར་ཤེས་ལྡན་དག་རྡོ་ཆེན་པོ་ཡངས་པ་འདི་ག་ལ་བར
176b6 ཀུན་ཀྱང་དེངས་ཤིག། དེ་བཞིན་ནོ་ཞེས་སྨྲས་ནས། ཀུ་ཤིའི་གྲོང་ཁྱེར་གྱི་གྱད་དག་ཕན་ཚུན་གྱི་ལྟར་ཉན་ཏེ། དེ་དག་སོ་སོ་ནས་བཞོན་པ་བཟང་པོ་དག་ལ་ཞོན་ནས། བདག་ཅག་ནི་ས་སྟེང་འདི་ན་ཆེས
176b7 སྟོབས་དང་ལྡན་པའོ་སྙམ་དུ་རློམ་སེམས་བྱེད་ཅིང་འོངས་པ་དང་། རིགས་དང་། སྟོབས་དང་། ལུས་བྱད་དང་། དབང་ཕྱུག་གི་རྒྱགས་པས་དྲེགས་ཏེ། སྒྲ་མཐོན་པོ་དང་། སྒྲ་ཆེན་པོས་པ
iiif viewer powered by OpenSeadragon
