| e-texts navigator |
| Wylie |
175b1 དུ་བདར་ཏེ། བདྲག་ཅག་གི་གྲོང་གི་ཞིང་དུ་ཀུ་ཤིའི་གྲོང་ཁྱེར་དུ་གཤེགས་སོ་སྙམ་མོ།། དེ་ལ་གང་པོ་ན་བདག་ཅག་གིས་ཀྱང་བཅོམ་ལྡན་འདས་དེ་ལ་རི་མོར་བྱ་བ་དང་། མཆོད་པར་བྱ་བས་བདག་ལ
175b2 ཕན་པར་བྱ་བའི་ཕྱིར། ཀུ་ཤིའི་གྲོང་ཁྱེར་ཀུན་ཆོ་ག་བཞིན་དུ་ཕྱག་བདར་དག་བྱ། ཆག་ཆག་ལེགས་པར་བཏབ་པ་དང་། བྱི་དོར་ལེགས་པར་བྱ་བ་དག་བྱས་ནས། རྒྱན་དང་ལྷབ་ལྷུབ་ཐམས
175b3 ཅད་དང་། བདུག་པ་དང་། འཕྲེང་བ་དང་། མེ་ཏོག་དང་། སྤོས་དང་། རོལ་མོའི་སྒྲ་གྱ་ནོམ་པ་དག་གིས་བརྒྱན་པ་བྱ། གདུགས་དང་། རྒྱལ་མཚན་དང་། བ་དན་དག་གཟུགས་པར་བྱ།
175b4 དུས་སྟོན་ངག་ཏུ་གནས་པར་བྱ། བཅོམ་ལྡན་འདས་ལམ་གང་དག་ནས་གཤེགས་པར་བརྩོན་པའི་གཤེགས་ཤུལ་དེའང་ཆོ་ག་བཞིན་དུ་ཕྱག་བདར་དག་བྱའོ།། དེ་ཕྱིན་ཆད་ནི་བདག་ཅག་ཐམས་ཅད།
175b5 ཀྱིས་བསུ་བ་བྱས་འབའ་ཞིག་ན་ལེགས་སོ་སྙམ་ནས། དེ་ནས་དེ་དག་ཐམས་ཅད་ཚོགས་ཤིང་ཡང་དག་པར་དགའ་སྟེ། རྩོད་པ་མེད་ཅིང་རྩེ་གཅིག་ལ་བློ་གཅིག་པ་དག་ཏུ་བྱས་ནས། ཀུ་ཤིའི
175b6 གྲོང་ཁྱེར་ཐམས་ཅན་ཆོ་ག་བཞིན་དུ་ཕྱག་བདར་དག་བྱེད་དོ། ། ཆག་ཆག་ལེགས་པར་གདབ་པ་དང་། བྱི་དོར་ལེགས་པར་བྱ་བ་དག་བྱས་ནས། རྒྱན་དང་། ལྷབ་ལྷུབ་ཐམས་ཅད་དང་། བདུག་པ་དང་།
175b7 འཕྲེང་བ་དང་། མེ་ཏོག་དང་། སྤོས་དང་། རོལ་མོའི་སྒྲ་གྱ་ནོམ་པ་དག་གིས་རྒྱན་པར་བྱེད། གདུགས་དང་། རྒྱལ་མཚན་དང་། བདན་དག་འཛུགས་པར་བྱེད། དུས་སྟོན་ཡང་རབ་ཏུ
iiif viewer powered by OpenSeadragon
