| e-texts navigator |
| Wylie |
160b1 ཧལ་བ་ཡིན། གླགས་ཚོལ་བ་ཡིན། ཁྱོ་ཤུག་དང་འཐབ་པ་ཡིན། ཁྱོ་ཤུག་འཕྲོག་པ་ཡིན། མི་དགེ་བའི་ཆོས་ཀུན་སྐྱེ་བ་ཡིན། དགེ་བའི་ཆོས་ཀུན་བྱུང་ཞིང་འབྲི་བར་འགྱུར
160b2 བ་ཡིན། བདག་ཀྱང་བདེན་པར་མི་བསྲུང་བ་ཡིན། བུ་སྨད་ལ་སོགས་པའང་བདེན་པར་མ་བསྲུངས་པ་ཡིན། དོགས་པར་འགྱུར་པ་ཡིན། གཉེན་དང་། གྲོགས་པོ་དང་། རིགས
160b3 གཅིག་པ་དགྲར་འགྱུར་བའི་ལས་སེམས་ཤིང་བྱེད་པ་ཡིན་ཏེ། ཤི་ནས་ལུས་དང་བྲལ་ན་ལམ་ངན་པར་ལྟུང་ཞིང་སེམས་ཅན་དམྱལ་བར་སྐྱེའོ།། བརྫུན་བྱས་ན་ངན་པ་བཅུར
160b4 འགྱུར་ཏེ། བཅུ་གང་ཞེ་ན། དེའི་ལུས་ལྷ་རྣམས་མི་འཁོར་བ། མི་མ་ཡིན་པ་རྣམས་འཁོར་བ། གཞན་གྱིས་བསླུ་བ། བདག་གི་ཚིག་མི་བརྟན་པ། ཁ་མནམ་པ། དྲང་པོར་སྨྲས་ཀྱང
160b5 སུའང་ཡིད་མི་ཆེས་པ། བརྫུན་པོ་ཆེ་དེ་ལ་དྲི་བའི་མི་རིགས་ཞེས་ཟེར་བ། དེ་ལ་ཚིགས་སུ་བཅད་ཅིང་བསྟོད་པ་མེད་པར་གྲགས་པར་འགྱུར་བ། སུའང་མི་ཉན་པའི་ཚིག་ཏུ་འགྱུར་བ། ཀུན
160b6 ཏུ་ངན་དུ་བརྗོད་པའི་ལས་སེམས་ཤིང་བྱེད་པ་ཡིན་ཏེ། ཤི་ནས་ལུས་དང་བྲལ་ནས་ལམ་ངན་པར་ལྷུང་ཞིང་སེམས་ཅན་དམྱལ་བར་སྐྱེའོ།། ཆང་འཐུངས་ན་ངན་པ་བག་མེད་པ་སུམ
160b7 ཅུ་རྩ་ལྔར་འགྱུར་བ་ཤེས་པར་བྱོས་ཤིག། སུམ་ཅུ་རྩ་ལྔ་གང་ཞེ་ན། མངོན་པར་སྣང་བཞིན་དུ་ནོར་ཟད་པ། མ་དད་པ་མང་པོ་འདུ་བ། འཐབ་མོ་དང་རྩོད་པ་རྣམས་སྐྱེ་བ། ཁྲེལ་ཞིང་ངོ་ཆེས
iiif viewer powered by OpenSeadragon
