| e-texts navigator |
| Wylie |
158b1 རིང་དུ་འཁྱམས་པར་སྐྱེ་བ། ཨ་སུ་རར་ཤི་ནའང་ཨ་སུ་རར་སྐྱེ་བ། མི་ལས་ཤི་ནའང་མིར་སྐྱེ་བ། དེ་ལྟ་བུའི་གང་ཟག་ནི་ཚེ་ཟད་ལ་ལས་མ་ཟད་པ་ཡིན་ནོ།། གང་ཟག་ལས་ཟད་ལ་ཚེ་མ་ཟད་པ་གང་།
158b2 ཞེ་ན། གང་ཟག་སུའང་རུང་སྟེ། སྔོན་སྒྱིད་ལ་ཕྱིས་སྡུག་པར་གྱུར་པ། སྔ་ན་སྡུག་ལ་ཕྱི་ནས་སྐྱིད་པར་གྱུར་པ་དེ་ལྟ་བུའི་གང་ཟག་ནི་ལས་ཟད་ལ་ཚེ་མ་ཟད་པ་ཡིན་ནོ།། གང་ཟག་ལས་དང་ཚེ་གཉིས་ཀ་ཟད་པ
158b3 གང་ཡིན་ཞེ་ན། གང་ཟག་སུའང་རུང་སྟེ། སེམས་ཅན་དམྱལ་བར་ཤི་ནས་བྱོལ་སོང་དུ་སྐྱེས་པ། བྱོལ་སོང་ལས་ཤི་ནས་རིང་དུ་འཁྱམས་པར་སྐྱེས་པ། རིང་དུ་འཁྱམས་པ་ལས་ཤི་ནས་ཨ་སུ་རར་སྐྱེས
158b4 པ། ཨ་སུ་རར་ཤི་ནས་མིར་སྐྱེས་པ། མི་ལས་ཤི་ནས་ལྷར་སྐྱེས་པ། དེ་ལྟ་བུའི་གང་ཟག་ནི་ལས་དང་ཚེ་གཉིས་ཀ་ཟད་པ་ཡིན་ནོ།། གང་ཟག་ལས་གང་གིས་ན་ཚེའང་མ་ཟད། ལས་ཀྱང་མ་ཟད
158b5 ལ་མྱ་ངན་སྤངས་པ་གང་ཞེ་ན། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་གང་ཟག་དེ་རྣམས་ལས་དང་ཚེ་མ་ཟད་མོད་ཀྱི། མྱ་ངན་སྤངས
158b6 པའོ། ། གང་ཟག་ལུས་བདེ་ལ་སེམས་མི་བདེ་བ་གང་ཞེ་ན། མ་རབས་ཀྱིས་བསོད་ནམས་བྱས་ནས། འཁོར་ལོ་བསྐོར་བའི་རྒྱལ་པོར་གྱུར་པ། དེ་ལྟ་བུའི་གང་ཟག་ནི་ལུས་བདེ་ལ་སེམས་མི
158b7 བདེ་བའོ། ། གང་ཟག་སེམས་བདེ་ལ་ལུས་མི་བདེ་བ་གང་ཞེ་ན། བསོད་ནམས་མ་བྱས་པའི་དགྲ་བཅོམ་པ་སྟེ། ཁྲིམས་རྫོགས་པ་འགུག་པ་ལྟ་བུ་དགྲ་བཅོམ་པའི་གང་ཟག་ནི། སེམས་བདེ
iiif viewer powered by OpenSeadragon
