| e-texts navigator |
| Wylie |
158a1 རིགས་སུ་སྐྱེ་སྟེ། ཟས་དང་སྤྱོད་པས་འཚོ་ཞིང་གཏོང་བ་ཡིན་ཏེ། ལས་དེ་ལྟ་བུ་འདུས་པ་ནི་ཕྱུག་ལ་གདོང་ཕོད་པའོ།། ཇི་ལྟར་ན་དབུལ་ལ་གཏོང་ཕོད་པའི་ལས་ཀྱི་འབྲས་བུ་ཡིན
158a2 ཞེ་ན། གང་ཟག་སུའང་རུང་། སྦྱིན་པའི་གནས་མ་ཡིན་པ་ལ་མང་དུ་བྱིན་ཡང་། སྦྱིན་པའི་ཕྱིར་ཞིང་གོམས་པར་བྱས་པ་ཡིན་པས། གང་ཟག་དེར་མིར་སྐྱེས་ནའང་དབུལ་པོའི་རིགས་སུ་སྐྱེ་སྟེ།
158a3 ཟས་དང་སྤྱོད་པས་མི་འཚོ་ཞིང་ཉོན་མོངས་ནས་སྡུག་ཅིང་གོས་ཟས་ཀྱིས་མི་འཚོ་ཡང་གཏོང་བ་ཡིན་ཏེ། ལས་དེ་ལྟ་བུ་འདུས་པའི་གང་ཟག་ནི་དབུལ་ལ་གཏོང་ཕོད་པའོ།། ཇི་ལྟར་གང་ཟག་ལས་འདི
158a4 ལྟ་བུ་འདུས་པས། དབུལ་ལ་སེར་སྣ་བྱེད་པའི་ལས་སུ་གྱུར་པ་ཡིན་ཞེ་ན། གང་ཟག་སུའང་རུང་། དགེ་བའི་གྲོགས་པོ་སྤངས་པ། སུས་ཀྱང་སྦྱིན་པ་ལ་མ་བཅུག་པ་ཡིན། ཉིན་ཀྱིས་ཀྱང་སྦྱིན
158a5 པ་མ་བྱིན་པ་ཡིན། སྡིག་པའི་ལས་ཀྱང་མ་བསམས་མ་བྱས་པ་ཡིན་ཏེ། གང་ཟག་སུའང་རུང་སྟེ། དེ་མིར་སྐྱེས་ནའང་དབུལ་པོའི་རིགས་སུ་སྐྱེས་ཏེ། ཟས་དང་སྤྱོད་པ་ལ་སོགས་པས་མི
158a6 འཚོ་ཞིང་ཉོན་མོངས་ནས་སྡུག་ཅིང་གོས་ཟས་ཀྱིས་བྲེལ་ནས་སེར་སྣ་བྱེད་པ་ཡིན་ཏེ། ལས་དེ་ལྟ་བུ་འདུས་པའི་གང་ཟག་ནི་དབུལ་པོ་ལས་སེར་སྣ་བྱེད་པའོ།། གང་ཟག་ཚེ་ཟད་ལ་ལས་མ་ཟད་པ
158a7 གང་ཞེ་ན། གང་ཟག་སུའང་རུང་། སེམས་ཅན་དམྱལ་བར་ཤི་ནས། ཡང་སེམས་ཅན་དམྱལ་བར་སྐྱེ་བ། བྱོལ་སོང་ལས་ཤི་ནའ་དབྱོལ་སོང་དུ་སྐྱེ་བ། རིང་དུ་འཁྱམས་པ་ལས་ཤི་ནའང
iiif viewer powered by OpenSeadragon
