| e-texts navigator |
| Wylie |
157b1 ལྟར་གང་ཟག་ལས་འདི་ལྟ་བུ་འདུས་པས། སྔར་མི་བདེ་ལ་ཕྱིས་ཀྱང་མི་བདེ་བར་འགྱུར་བའི་ལས་ཀྱི་བྲས་བུ་ནི་གང་ཡིན་ཞེ་ན། གང་ཟག་སུའང་རུང་སྟེ། དགེ་བའི་གྲོགས་པོ་སྤངས་པ་ཡིན།།
157b2 སུས་ཀྱང་སྦྱིན་པ་ལ་མ་བཅུག་པ་ཡིན། བདག་ཉིད་ཀྱིས་ཀྱང་གཞན་ལ་བྱིན་པ་མ་བྱས་པ་གང་ཡིན་པའི་གང་ཟག་དེ་ལྟ་བུ་ནི། མིར་སྐྱེས་ནའང་དབུལ་པོ་བཀྲེན་པ། ཟན་སྐོམ་གྱིས་འཕོངས་པ
157b3 གོས་རྒྱབ་ཀྱིས་འཕོངས་ཤིང་བྲེལ་ཏེ། ཉོན་མོངས་བཞིན་དུ་འཚོ་བ་དང་། ཟན་སྐོམ་དང་། གོས་རྒྱབ་ཀྱིས་མི་འཚོ་བ་དང་། ཕྱིས་ཀྱང་དེ་ལས་སྐྱིད་ཅིང་སྤྱོད་པ་འཕེལ་བར་འགྱུར་བའང
157b4 མེད་དེ། གང་ཟག་ལས་དེ་ལྟ་བུ་འདུས་པས་ན་སྔར་ཡང་མི་བདེ། ཕྱིས་ཀྱང་བདེ་བར་མི་འགྱུར་རོ།། ཇི་ལྟར་གང་ཟག་ལས་འདི་ལྟ་བུ་འདུས་པས་ན། ཕྱུག་ལ་སེར་སྣ་ཅན་དུ་བྱེད་པར་འགྱུར
157b5 བའི་ལས་ཀྱི་འབྲས་བུ་གང་ཡིན་ཞེ་ན། གང་ཟག་སུའང་རུང་སྟེ། སྦྱིན་པའི་གནས་ལ་ཅིའང་བུངས་མི་ཆེ་ཞིང་ཉུང་ངུ་བྱིན་པ་ཡིན། གཏོང་བ་ལ་ནི་བསྲི་ཞིང་གོམས་པར་བྱས་པས། གང་ཟག་དེ
157b6 མིར་སྐྱེས་ནའང་ཕྱུག་པོའི་རིགས་སུ་སྐྱེ་སྟེ། ནོར་དང་སྤྱོད་པ་མང་པོ་ཡོད་ཀྱང་སེར་སྣ་བྱེད་པར་འགྱུར་ཏེ། དེ་ལྟ་བུ་ལས་འདུས་པའི་གང་ཟག་ནི་ཕྱུག་ལ་སེར་སྣ་ཆེ་བ་ཡིན་ནོ།། ཇི་ལྟར་ཕྱུག་ལ་གཏོང
157b7 ཕོད་པའི་ལས་ཀྱི་འབྲས་བུ་ནི་གང་ཡིན་ཞེ་ན། གང་ཟག་སུའང་རུང་སྟེ། སྦྱིན་པའི་གནས་ལ་མང་དུ་བྱིན་ཞིང་། སྦྱིན་པ་ཕྱིར་ཞིང་གོམས་པར་བྱས་པ་ཡིན་ཏེ། གང་ཟག་དེ་མིར་སྐྱེས་ནའང་ཕྱུག་པོའི
iiif viewer powered by OpenSeadragon
