| e-texts navigator |
| Wylie |
157a1 པའི་གང་ཟག་ནི་སྔར་བཙན་ཕྱུག་ཅིང་བདེ་ལ། ཕྱིས་བཀྲེས་ཤིང་དམས་པས་མི་བདེ་བར་འགྱུར་རོ།། ཇི་ལྟར་གང་ཟག་ལས་འདུས་པས། སྔར་མི་བདེ་ལ་ཕྱིས་བདེ་བར་གྱུར
157a2 པའི་ལས་ཀྱི་འབྲས་བུ་ནི་གང་ཡིན་ཞེ་ན། གང་ཟག་སུའང་རུང་སྟེ། སྦྱིན་པ་སྔར་མ་དང་བྱིན་ནས། དད་ཅིང་རངས་པའི་སེམས་ཕྱིས་སྐྱེས་པའི་གང་ཟག་དེ་ནི་མིར་སྐྱེས་ནའང་དབུལ་པོའི་རིགས
157a3 སུ་སྐྱེས་ཏེ་ཟས་དང་སྤྱོད་པ་ཞུང་བ། ཉོན་མོངས་ཤིང་ཟས་དང་གོས་མེད་པ་ལས། ཕྱིས་བཙན་ཕྱུག་ཅིང་སྐྱིད་པར་གྱུར་ཏེ་ཅིའི་ངའ་ཕེལ་ཏེ། ཅིས་ཀྱང་མི་བྲེལ་བར་འགྱུར་པ་འདི་ལྟ་བུའི་གང
157a4 ཟག་ནི་སྔར་མི་བདེ་ལ་ཕྱིས་བདེ་བར་གྱུར་པའོ། ། ཇི་ལྟར་གང་ཟག་ལས་འདི་ལྟ་བུར་གྱུར་པས། སྔར་ཀྱང་བདེ་ལ་ཕྱིས་ཀྱང་བདེ་བར་འགྱུར་བའི་ལས་གང་ཡིན་ཞེ་ན། གང་ཟག་སུའང་རུང་སྟེ།
157a5 སྦྱིན་པ་བྱིན་པ་མང་པོ་དང་རངས་པར་བྱིན། བདག་ཀྱང་ཡིད་དགའ་སྟེ་བྱིན་པས་ཕྱིས་མི་འགྱོད་པའི་གང་ཟག་དེའི་འབྲས་བུ་ནི། མིར་སྐྱེས་ནའང་ཕྱུག་པོའི་རིགས་སུ་སྐྱེ་སྟེ། ནོར་མང་པོ
157a6 སྤྱོད་པ་དང་། ནོར་མང་པོའི་ཇོ་བོར་འགྱུར་ནས་བློན་པོ་དང་། གྲོགས་པོ་དང་། གཉེན་དང་། རིགས་གཅིག་པ་མང་དུ་བདོག་པ་དང་། བང་མཛོད་ཐམས་ཅད་ཀྱང་གང་བ། ཤིན་ཏུ་བདེ་ཞིང
157a7 བཞོན་པ་མང་པོ་དང་། དེ་ལྟ་བུའི་རིགས་སུ་སྐྱེ་སྟེ། སྐྱིད་པ་དེ་ལྟ་བུའི་ཕྱིར་སྐྱེ་ཞིང་འཕེལ་བར་འགྱུར་ཏེ། གང་ལས་འདི་ལྟ་བུ་འདུས་པས་སྔར་ཡང་བདེ། ཕྱིས་ཀྱང་བདེ་བར་འགྱུར་རོ།། ཇི
iiif viewer powered by OpenSeadragon
