| e-texts navigator |
| Wylie |
155b1 བཏབ་པ་དང་། མཚམས་མེད་པའི་སྡིག་ལས་བྱས་པ་དེ་ལྟ་བུ་ནི་ལས་བཞིན་མི་འགྱུར་བར་སྐྱེ་བར་འོང་ངོ་།། ཇི་ལྟར་ལས་ཀྱིས་འགྱུར་པར་སྐྱེ་ཞེ་ན། སུས་དགེ་བའི་ལས་བྱས་ནས་སྨོན་ལམ
155b2 བཏབ་པ་ནི་ལས་དེས་འགྱུར་ཞིང་སྐྱེ་བར་འོང་ངོ་། ། ཇི་ལྟར་ལས་ཀྱིས་གང་ཡུལ་གཞན་དུ་སྐྱེ་བར་འགྱུར་ཞེ་ན། སངས་རྒྱས་ཀྱང་རུང་། ཆོས་ཀྱང་རུང་། དགེ་འདུན་ཡང་རུང་། ཚུལ་ཁྲིམས་ཐུབ
155b3 པའི་གང་ཟག་ཀྱང་རུང་སྟེ། དེ་ལ་ཤིན་ཏུ་དང་པར་བསམས་ནས་བྱིན་པས། ཡུལ་གཞན་དུ་སྨོན་ལམ་བཏབ་པ་དང་། ལས་གང་བྱས་ཀྱང་རུང་སྟེ། བཟང་པོ་དང་ངན་པར་འགྱུར་པ་ནི་འདི་ལྟ་སྟེ།
155b4 དཔེར་ན་ཚོང་པ་བཞིན་ཏེ། ལས་དེ་ལྟ་བུས་ཡུལ་གཞན་དུ་སོང་ནས་རྣམ་པར་སྨིན་པར་གྱུར་རོ།། ཇི་ལྟར་ལས་ཀྱིས་མ་བསམས་པར་བྱས་པ་གང་ཞེ་ན། ལས་བྱས་ནས་འགྱོད་པ་དང་། ཁྲེལ་གྱིས
155b5 དོགས་པ་དང་། ཉེས་པར་སེམས་པ་དང་། མི་རིགས་པ་དང་། འ་ཆགས་པ་དང་། ཡལ་བར་མི་གཏོང་བ་དང་། སླར་མི་འཇུག་པ་དང་། ད་ཕྱིན་ཆད་མི་བྱེད་པར་དམ་འཆའ་བ་དང་།
155b6 འདི་ལྟ་བུའི་ལས་ནི་མ་བསམས་པར་བྱས་པའོ།། ཇི་ལྟར་ལས་བསམས་ལ་མ་བྱས་པ་གང་ཞེ་ན། ལུས་ཀྱི་མ་བྱས་པ་དང་། སེམས་རྒྱས་ཤིང་ལས་འདི་བྱའོ་ཞེས་ཁར་སྨྲས་ལ། མ
155b7 བྱས་པ་དེ་ལྟ་བུའི་ལས་ནི་བསམས་ཏེ་མ་བྱས་པའོ། ། ཇི་ལྟར་ལས་བསམས་ཏེ་བྱས་པ་གང་ཡིན་ཞེ་ན། ལས་གང་བྱས་ཀྱང་རུང་སྟེ་མི་འགྱོད་པ། ཁྲེལ་གྱིས་དོགས་པ། ཉེས་པར་མི་སེམས
iiif viewer powered by OpenSeadragon
