| e-texts navigator |
| Wylie |
149a1 བཟང་པོ་དང་། དབང་ཆུང་བ་དང་། དབང་ཆེ་བ་དང་། མ་རབས་ཀྱི་རིགས་དང་། ཡ་རབས་ཀྱི་རིགས་དང་། དབུལ་པོ་དང་། ཕྱུག་པོ་དང་། ངན་པ་དང་། ཤེས་རབ་ཏུ
149a2 ཆུང་དང་། སྒྱིད་སྡུག་ལ་སོགས་པ་རྣམ་པ་མང་དུ་མཆིས་ན། ཀྱེ་གོའུ་ཏ་མ་ལས་ཀྱི་རྣམ་པར་སྨིན་པ་གང་གི་ཕྱིར་ན་སེམས་ཅན་སྣ་མང་པོར་འགྱུར། བཅོམ་ལྡན་འདས་ཀྱིས་བཀའ་སྩལ་པ། མ་ན
149a3 བ་ཁྱོད་ཉོན་ལ་དགེ་བའི་ཤིན་ཏུ་ཡིད་ལ་ཟུང་ཞིག་དང་། དེའི་ཕྱིར་ངས་བཤད་དོ།། མ་ན་བ་སེམས་ཅན་རྣམས་ནི་ཚེ་རབས་ཀྱི་ལས་ལས་གྱུར་ཏོ།། སྦྱིན་པའི་རྣམས་ཀྱང་ལས། སྐྱེ་བའི་རྣམས་ཀྱང
149a4 ལས། སོ་སོར་རྒྱུ་བའང་ལས་ཏེ། མ་ན་བ་སེམས་ཅན་རྣམས་ནི་ལས་ཀྱིས་རྣམ་པར་བསྒྱུར་རོ།། དེ་བས་ན་ངན་པ་དང་། བར་མ་དང་། བཟང་པོའི་ཕྱིར་སེམས་ཅན་རྣམ་པ་མང་པོའང་ལས
149a5 རྣམ་པ་མང་པོ་དང་། མྱ་ངན་རྣམ་པ་མང་པོ་དང་། ལྟ་བ་རྣམ་པ་མང་པོར་སྦྱར་བ་སྟེ། འདི་ལྟར་ནག་པོ་དང་། དཀར་པོ་ལས་རྣམ་པར་སྨིན་པའི་འབྲས་བུ་བཤད་དོ།། མ་ན་པ་འདི་ལྟ་སྟེ།
149a6 ལས་ནག་པོ་རྣམས་ཀྱིས་ནི། སེམས་ཅད་དམྱལ་བ་དང་། བྱོལ་སོང་དང་། ཡི་དགས་དང་། རིང་དུ་འཁྱམས་པ་དང་། ཨ་སུ་ར་ལ་སོགས་པ་ངན་སོང་དུ་སྐྱེའོ།། ལས་དཀར་པོར
149a7 བགྱིས་པ་རྣམས་ཀྱིས་ནི་ལྷ་དང་མིར་སྐྱེའོ། ། མ་ན་བ་དེ་ལྟ་བས་ན། ལས་ཀྱི་རྣམ་པར་སྨིན་པས་ཚེ་ཐུང་བའང་ཡོད། ལས་ཀྱིས་ཚེ་རིང་པོར་གྱུར་པའང་ཡོད། ལས་ཀྱིས་ནད་མང་པོར་གྱུར་པའང
iiif viewer powered by OpenSeadragon
