| e-texts navigator |
| Wylie |
142a1 དེས་ལྕགས་འབར་བའི་ལྕགས་ཀྱུས་ཁ་ཕྱེ་སྟེ་ལྕགས་བཞུ་བའི་ཁུ་བ་ལྡུགས་པར་བྱེད་དོ། ། དེ་ལ་དེའི་མཆུ་སྲེག་གོ། མགྲིན་པའང་སྲེག་གོ། ཟང་སྲེག་གོ། རྒྱུ་མ་སྲེག་གོ།།
142a2 སྙིང་ཡང་སྲེག་གོ།། བཤང་ལམ་ན་མར་འཐོན་པར་བྱེད་དོ།། དེ་རྣམས་ཀྱིས་སྡུག་བསྔལ་མྱོང་བར་བྱེད་ཅིང་། དུལ་འདྲེ་བར་བྱེད་དོ།། དེའི་དུས་སུའང་འཆི་བར་ནི་མི་འགྱུར་ཏེ། ཇི་སྲིད་ཀྱི་བར་དུ་སྡིག
142a3 པའི་ལས་ཀྱི་འབྲས་བུ་མྱོང་བར་བྱེད་དོ། ། དེ་སྲིད་དུ་དེ་རྣམས་ཀྱིས་རྣམ་པར་སྨིན་པའི་ཚོར་བ་མྱོང་བར་བྱེད་དོ།། དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། ཚ་ཞིང་རྩུབ་པའི་ཆུ་བོ་ན།།
142a4 རབ་མེད་ཤིན་ཏུ་བགྲོད་པར་དཀའ།། ལྕགས་ཀྱི་པདྨའི་འདབ་མ་རྣམས།། འདབ་མ་རྣོ་བའི་སྟེང་དུ་འགྲོ།། ཆུ་བོ་རབ་མེད་གཞི་མེད་པར།། ཆོས་མིན་ཇི་ལྟར་སྤྱོད་པར་འགྱུར།། གང་ཞིག
142a5 ཆང་བཐུང་བ་དེ་ནི་སྡིག་པ་ཆུང་བ་མ་ཡིན་ནོ། ། དེ་མིར་གྱུར་ཀྱང་རྟག་ཏུ་བརྗེད་ངས་པ་དང་། ལུག་ལྟར་ལྐུགས་པ་དང་། ཤེས་རབ་འཆལ་པ་དང་། རིག་པ་མི་ཤེས་པ་དང་། རྟག་ཏུ་གཉིད
142a6 དུ་འགྲོ་བ་དང་། བློ་གྲོས་དམན་པ་དང་། གཏི་མུག་ཆེ་བ་དང་། འཇིགས་པ་དང་སྐྲག་པར་འགྱུར་བ་དང་། དོགས་པར་འགྱུར་བ་དང་། ཕྲ་མ་ཅན་དང་། ཚིག་མི་བརྟན་པ་དང་། སེར་སྣ
142a7 ཅན་དང་། ཟག་དོག་ཅན་དང་། ངེས་པར་མི་འབྱུང་བ་དང་། ངོ་ཚ་མེད་པ་དང་། ཁྲེལ་མེད་པ་དང་། ཤེས་རབ་ཆུང་བ་དང་། དགེ་བའི་ཆོས་རྣམས་མི་རེག་པ་སྟེ། སྐྱེ་བ་ལྔ་བརྒྱར
iiif viewer powered by OpenSeadragon
