| e-texts navigator |
| Wylie |
139b1 པ་དང་། སྐྱེ་བ་ནས་སྐྱེ་བར་དམུས་ལོང་ལ་སོགས་པར་སྐྱེ་བར་འགྱུར་རོ།། རྣམ་པར་འགྱུར་བར་ངེས་པ་དང་། རྟག་ཏུ་སེམས་མི་དགའ་བར་འགྱུར་བ་དང་། ཕན་ཚུན་དུ་འཐབ་པ་ལ་དགའ
139b2 བ་དང་། དགའ་བའི་སེམས་དང་འབྲལ་བར་འགྱུར་རོ།། དེ་ལུས་ཞིག་ནས་ཤི་བའི་ཕ་རོལ་ཏུ་ངུ་འབོད་ཆེན་པོའི་དམྱལ་བར་ལྷུང་ཞིང་སྐྱེ་བར་འགྱུར་རོ།། དེར་ཡང་དེ་ལ་སྡུག་བསྔལ་དྲག་པ
139b3 དང་རྩུབ་པ་དང་། ཚ་བ་ཉམས་སུ་མྱོང་བར་འགྱུར་རོ།། འདོད་པ་ལོག་པར་གཡེམ་པའི་རྣམ་པར་སྨིན་པའོ།། ལོག་པར་གཡེམ་པ་སྤངས་པ་ཡི།། སྐྱེས་པ་འམ་ནི་བུད་མེད་ཀྱིས།།
139b4 ཐོབ་པར་འགྱུར་ཏེ་ཕན་ཡོན་ནི།། ཡོན་ཏན་ཉི་ཤུ་མི་དམན་པ།། དེ་ལ་དགྲ་ནི་མེད་པ་དང་།། འཇིག་རྟེན་ཐམས་ཅད་དགའ་བ་དང་།། བཟའ་དང་བཏུང་བ་རྙེད་པར་སླ།། གོས་དང་སྟན་དང
139b5 གནས་རྣམས་དང་། ། བདེ་བར་ཉལ་དང་བདེ་བར་འདུག། དེ་ནི་བདེ་བར་ལྡང་བ་དང་།། ངན་སོང་འཇིགས་ལས་རྣམ་པར་གྲོལ།། མྱ་ངན་མེད་དང་འཇིགས་པའང་མེད།། ནད་རྣམས་ཐམས་ཅད
139b6 དེ་ལ་མེད། ། མ་ནིང་བུད་མེད་དུ་མི་སྐྱེ།། ཅུང་ཟད་གང་ནི་དོན་གཉེར་འདོད།། དེ་ཡི་འདོད་པ་གྲུབ་པར་འགྱུར།། ཕན་ཚུན་དུ་ནི་མཛའ་བ་མང་།། གཞན་ནི་མི་དགའ་དེ་ལ་མེད།། དབང་པོ་ཀུན
139b7 ནི་ཚང་བ་དང་། ། དགེ་བའི་མཚན་ཉིད་ཡང་དག་ལྡན།། བཟོད་ཆུང་དང་ནི་དོགས་པ་མེད།། སྐྱེས་པ་བུད་མེད་དོགས་མེད་དོ།། ལོག་པར་གཡེས་པ་སྤངས་པ་ཡི།། སྐྱེས་པ་འམ་ནི་བུད་མེད
iiif viewer powered by OpenSeadragon
