| e-texts navigator |
| Wylie |
138b1 འགྱུར། ། འདི་འདྲ་བ་ཡི་ལོངས་སྤྱོད་ལྡན།། གང་ཞིག་སྡེར་དང་ཟ་བ་ལ།། མེད་ཅེས་པ་ནི་འབྱུང་མི་འགྱུར།། རྟག་ཏུ་བདེ་བར་གནས་པ་དང་།། མ་བྱིན་ལེན་པ་སྤངས་པ་ཡིན།། སྐྱེས
138b2 པའམ་ནི་བུད་མེད་ལ། ། ཐོབ་པར་འགྱུར་ཏེ་ཕན་ཡོན་ནོ།། ལྷ་རྣམས་དང་ནི་མི་རྣམས་སུ།། དེ་ལུས་ཞིག་ཅིང་ཤི་ནས་བདེ་འགྲོ་མཐོ་རིས་དང་ལྷའི་འཇིག་རྟེན་དུ་ཉེ་བར་སྐྱེའོ།། འདོད་པ་རྣམས
138b3 ལ་ལོག་པར་གཡེམ་པས་ནི་འཚོ་བའི་འཇིག་རྟེན་འདིར་འདོད་པར་བྱེད་པ་ནི། དེའི་ལུས་ཞིག་ནས་ཤི་བའི་ཕ་རོལ་ཏུ་ངུའབོད་ཆེན་པོར་སྐྱེ་ཞིང་ལྟུང་བར་འགྱུར་རོ།། དེ་ནས་ཕྱི་རུ་ཆུ་བོ་རབ་མེད་ཀྱི
138b4 ངོགས་གཉིས་སུ། ཤ་ལ་མ་ལིའི་ནགས་དཔག་ཚད་བརྒྱད་ཅུ་གྱེན་དུ་མཉམ་ཞིང་མཐོ་བ། ཚེར་མ་སོར་བཅུ་དྲུག་པ་ཡལ་ག་རྣམས་ཐུར་ལ་འཕྱང་བ། ལུས་པོ་རྒྱུང་གྲགས་བཅུ་གཉིས་དང་ལྡན
138b5 ཞིང་ལུས་ལ་མེ་གྱེན་དུ་འབར་བ། དཔག་ཚད་དྲུག་ཅུར་གྱེན་དུ་འགྲོ་ཞིང་དེ་ལ་རྟག་ཏུ་སྣ་ཚོགས་པའི་མཚོན་གྱིས་ཕན་ཚུན་དུ་གསོད་ཅིང་། དེ་ནི་ཤལ་མ་ལིའི་ཤིང་གི་ནགས་ལ་ཤོན་ནོ།།
138b6 ལོ་སྟོང་ཕྲག་མང་པོར་ཤིང་གི་ཚེར་མ་ལ་འཛེག་གོ།། གཞན་ཡང་དམྱལ་བའི་སྲུངས་མ་རྣམས་ཀྱིས། མཚོན་བླངས་ནས་བརྒྱབ་པས་ངུ་ཞིང་མགོ་ཐུར་ལ་བསྟན་ནས་ལྷུང་ངོ་།། ལྡང་བའི
138b7 དུས་སུ་ལྕགས་བསྲེགས་ཀྱིས་གསལ་ཤིང་བཙུགས་པ་རྣམས་ལ་ལྷུང་ངོ་། ། དེ་རྣམས་བཤང་ལམ་ནས་འཐོན་པས། དེ་རྣམས་ཀྱིས་སྡུག་བསྔལ་མྱོང་བར་འགྱུར་རོ།། རྒྱུན་དུ་ངུ་ཞིང་།
iiif viewer powered by OpenSeadragon
