| e-texts navigator |
| Wylie |
138a1 ལོངས་སྤྱོད་རྣམས་ཉམས་པར་འགྱུར་བ་དང་། མ་བྱིན་པར་བླངས་པའི་སེམས་ཅན་གྱི་ལག་ཏུ་དངོས་པོ་ཅུང་ཟད་ཀྱང་འཆགས་པར་མི་འགྱུར་རོ།། བཟའ་བ་དང་། བདུད་བ
138a2 དང་གོས་དང་། སྟན་ལ་སོགས་པ་རྙེད་དཀའ་བར་འགྱུར་བ་དང་། རྒྱུན་མི་འཆད་པར་ཟུག་རྔུ་ཅན་དང་། གཞན་སྡང་བ་དང་། འཚེ་བར་འགྱུར་རོ།། གང་དང་གང་རྙེད་པ་དེ་དང་དེ་ནི་ཉམས་པར
138a3 འགྱུར་རོ། ། གཞན་གྱིས་ལོངས་སྤྱོད་པར་འགྱུར་རོ།། གང་འདོད་པའི་ལོངས་སྤྱོད་ནི་རྙེད་དཀའ་བར་འགྱུར། དངོས་པོ་ཡོད་པ་རྣམས་འཕེལ་བར་མི་འགྱུར་རོ།། བདེ་བ་དང་འབྲལ་བར་འགྱུར་རོ།།
138a4 དེའི་ཕྱིར་བཅོམ་ལྡན་འདས་ཀྱིས་གསུངས་པ། འདིར་ནི་དབུལ་དང་བཀྲེན་པ་དང་།། གཟུགས་ངན་ཉེ་བར་འཚེ་བ་དང་།། རིགས་ངན་དུ་ནི་སྐྱེ་བ་ནི།། མ་བྱིན་ལེན་པའི་ཉེས་པའོ།། མ་བྱིན་པར
138a5 ལེན་པའི་རྣམ་པར་སྨིན་པའོ། ། མ་བྱིན་ལེན་པ་སྤངས་པ་ཡིས།། སྐྱེས་པ་འམ་ནི་བུད་མེད་ནི།། ཐོབ་པར་འགྱུར་ཏེ་ཕན་ཡོན་ནོ།། ཡོན་ཏན་ཉི་ཤུ་མི་དམན་པར།། རྟག་ཏུ་འབྲུ་ནི་མང་བ་དང་།།
138a6 མཐའ་ཡས་ལོངས་སྤྱོད་ཕུན་སུམ་ཚོགས།། སྔར་མེད་པ་ནི་རབ་ཏུ་འཕེལ།། འདོད་པ་རྣམས་ནི་བརྟན་པ་དང་།། གཟུགས་སྒྲ་རོ་དང་དྲི་དང་ནི།། རེག་བྱ་རྣམས་ནི་ཡིད་དུ་འོང་།། དོན་དུ་གཉེར
138a7 བ་ཐམས་ཅད་ལ། ། བསམ་པ་ཐམས་ཅད་མྱུར་དུ་འགྲུབ།། དེ་ལ་རྒྱལ་པོ་ཆོམ་རྐུན་དང་།། མི་མཛའ་བ་ཡིས་མི་འཕྲོག་དང་།། མེ་འམ་ཡང་ན་ཆུ་དང་ནི།། དེ་རྣམས་ཀྱིས་ནི་འཚེ་མི
iiif viewer powered by OpenSeadragon
