| e-texts navigator |
| Wylie |
137b1 སུའོ། ། དེ་ལུས་ཞིག་ཅིང་ཤི་ནས་བདེ་འགྲོ་མཐོ་རིས་ལྷའི་འཇིག་རྟེན་དུ་ཉེ་བར་སྐྱེའོ།། མ་བྱིན་པར་ལེན་པ་ནི་མ་བྱིན་པའི་ཕ་རོལ་གྱི་རྫས་རྣམ་པར་ཤེས་པ་དང་བཅས་པ་དང་། རྣམ་པར་ཤེས་པ
137b2 མེད་པ་གང་རུང་ཁང་པ་ཕུག་ནས་རྐུབ་ལ་སོགས་པའོ། ། ཕ་རོལ་བསླུས་ནས་ལེན་པ་དང་། རང་འཚོ་བའི་ཕྱིར་དེ་རྣམས་དེ་ལྟ་བུའི་རིམ་པས་མ་བྱིན་པར་ལེན་པ་དེ་དེའི་ལུས་ཞིག་ནས་ཤི་བའི་ཕ་རོལ
137b3 ངུདུའབོད་དུ་སྐྱེ་བར་འགྱུར་རོ། ། ངུ་འབོད་ཅེས་པའི་མིང་ནི་ངུ་འབོད་གཉིས་ཏེ། འབར་བའི་ངུ་འབོང་དང་། ངུ་བའི་ངུ་འབོད་ངོ་།། འབར་བའི་ངུ་འབོང་ནི་ཚེ་བསྐལ་པ་གཅིག་ཏུ་གནས་སོ།། བར་བར
137b4 དུ་མ་འབར་བས་ཡོངས་སུ་གང་བའོ། ། ངུ་བའི་ངུ་འབོད་ནི་དུ་བ་འཚུབ་ཅིང་དེ་གཉིས་ལ་མེ་འབར་བས་ངུ་འབོད་དུ་སེམས་ཅན་དམྱལ་བ་རྣམས་འཚེད་དོ།། བུ་ག་དགུ་ནས་མེ་འབྱུང་ཞིང་ལུས་བསྲེག་གོ།།
137b5 འདི་ནི་ངུ་བའི་ངུ་འབོད་དོ།། ངུ་བའི་ངུ་འབོད་ནི་སེམས་ཅན་དམྱལ་བ་རྣམས་སུ་འཚེད་དོ།། བུ་ག་དགུ་ནས་དུ་བ་འཆུབ་ཅིང་འབྱུང་ངོ་།། ཇི་ལྟར་ཟན་འཚེད་པ་ལྟར་ལུས་འཚེད་དོ།། སེམས་ཅན་གཉིས
137b6 ཀ་མྱ་ངན་གྱི་སྒྲ་ཆེན་པོ་སྒྲོགས་སོ། ། དེ་དག་ནི་དེར་སྡུག་བསྔལ་དྲག་ཅིང་རྩུབ་པ་དང་ཚ་བ་མྱོང་བར་འགྱུར་རོ།། མ་བྱིན་པར་ལེན་པ་ནི་དགེ་སློང་དག་སྦྲུལ་དུག་ཅན་འདྲ་བར་བལྟ་བར་བྱའོ།། དམྱལ
137b7 བར་འཇུག་པ་དང་། ཡི་དགས་ཀྱི་ཡུལ་དུ་འཇུག་པ་དང་། དུད་འགྲོའི་སྐྱེ་གནས་སུ་སྐྱེ་བར་འགྱུར་རོ།། གང་ཞིག་མ་བྱིན་པར་ལེན་པའི་རྣམ་པར་སྨིན་པ་ནི་ཤིན་ཏུ་ཆེན་པོའོ།། མིར་སྐྱེས་ཀྱ
iiif viewer powered by OpenSeadragon
