| e-texts navigator |
| Wylie |
136a1 པར་བདག་འདོད་དོ། ། དེ་ནས་བཅོམ་ལྡན་འདས་ཀྱི་བཀར་སྩལ་པ། ཁྱིམ་བདག་དང་ཁྱིམ་བདག་མོ་གཉིས་པོ་ལ་འདོད་པ་ཡོད་པར་གྱུར་པས། མཐོང་བུའི་ཆོས་འདི
136a2 ལ་ཕན་ཚུན་དུ་མཐོང་བར་གྱུར་ཏོ། ། སྐྱེ་བ་གཞན་དུ་མཐོང་བར་འགྱུར་རོ།། གཉིས་པོ་དག་དད་པ་མཉམ་པ་དང་། ཚུལ་ཁྲིམས་མཉམ་པ་དང་། གཏོང་བ་མཉམ་པ་དང་། ཤེས་རབ་མཉམ
136a3 པ་རྣམས་ཀྱིས་མཐོང་བའི་ཆོས་འདི་ལ་ཕན་ཚུན་དུ་མཐོང་བར་གྱུར་ཏོ། ། སྐྱེ་བ་གཞན་དུ་མཐོང་བར་འགྱུར་རོ།། ཡང་ཚིགས་སུ་བཅད་པ་འདི་བཀའ་སྩལ་ཏོ།། གཉིས་ཀ་དད་དང་ཆོས་ཚིག་དང་།། །
136a4 མཉམ་དང་ཆོས་ཀྱི་འཚོ་བ་དང་།། ཕན་ཚུན་དུ་ནི་དགའ་བའི་ཚིག། དེ་ལྟར་སྐྱེས་པ་བུད་མེད་གཅིག། ནོར་མང་དང་ནི་ལྡན་པ་དང་།། གནས་ནི་བཟང་པོར་སྐྱེ་བར་འགྱུར།། དགྲ་ནི་དེ་ལ་དགའ་བ་དང
136a5 གཉིས་ཀ་མཉམ་པའི་ཚུལ་ཁྲིམས་ཀྱིས། ། འདི་ལྟར་ཆོས་ནི་སྦྱིན་པ་དང་།། གཉིས་ཀ་ཚུལ་ཁྲིམས་ལྡན་པ་དང་། འདོད་ཅིང་འདོད་ལ་ཡི་རང་བས།། ལྷ་ཡི་གནས་སུ་དགའ་བར་འགྱུར།། དེའི
136a6 ཕྱིར་བསླབ་པ་རྣམ་པ་ལྔ་པོ་བསྲུང་བར་བྱའོ། ། འདི་ལྟ་སྟེ། སྲོག་གཅོད་པ་སྤོང་བ་དང་། མ་བྱིན་པར་ལེན་པ་སྤོང་བ་དང་། འདོད་པ་ལོག་པར་གཡེམ་པ་སྤོང་བ་དང་། བརྫུན་དུ་སྨྲ་བ་སྤོང་བ་དང་།
136a7 མྱོས་པར་འགྱུར་པའི་ཆང་གི་བཏུང་བ་སྤོང་བའོ།། བསླབ་པ་ལྔ་འདི་ནི་བསྲུང་བར་བྱའོ།། དེ་ནས་ཡང་དགེ་སློང་རྣམས་ཀྱིས་ཚུལ་ཁྲིམས་ལྔའི་ཕན་ཡོན་ཞུས་པ། གཞན་ཡང་བཙུན
iiif viewer powered by OpenSeadragon
