| e-texts navigator |
| Wylie |
135b1 རི་དགས་རྒྱུ་བའི་གནས་ན་བཞུགས་སོ། ། དེ་ནས་བཅོམ་ལྡན་འདས་སྔ་དྲོའི་དུས་སུ་ཆོས་གོས་གྱོན། ལྷུང་བཟེད་ཐོགས་ཏེ། ཕ་ན་ཀུ་ལའི་ཁྱིམ་བདག་གང་ན་ཡོད་པའི་གནས་དེར་གཤེགས་ཤིང་ཉེ་བ
135b2 གཤེགས་ཏེ། གདན་བཤམས་པ་ལ་བཞུགས་སོ།། དེ་ནས་ཡང་ཕ་ན་ཀུ་ལིའི་ཁྱིམ་བདག་དང་། མ་ན་ཀུ་ལའི་ཁྱིམ་བདག་མོས། བཅོམ་ལྡན་འདས་ག་ལ་བ་དེར་སོང་ཞིང་ཉེ་བར་སོང་ནས།
135b3 བཅོམ་ལྡན་འདས་ལ་ཕྱག་བྱས་ཏེ། ཕྱོགས་གཅིག་ཏུ་འཁོད་དོ།། ཕྱོགས་གཅིག་ཏུ་འཁོད་ནས། པ་ན་ཀུ་ལའི་ཁྱིམ་བདག་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གང་གི་ཚེ
135b4 བཙུན་པ་བཅོམ་ལྡན་འདས། མ་ན་ཀུ་ལའི་ཁྱིམ་བདག་མོ་བདག་ཁྱེའུའི་དུས་སུ་བུ་མོ་གཞོན་ནུ་མ་བླངས་ཏེ། མ་ན་ཀུ་ལའི་ཁྱིམ་བདག་མོ་ལས་ལོག་པར་གཡེམ་པའི་སེམས་མ་སྐྱེས་སོ།། ལུས
135b5 ཀྱིཀྱིསྐྱོན་གང་ཡང་མ་བྱུང་བ་ལས་བཙུན་པ་བཅོམ་ལྡན་འདས་མཐོང་བའི་ཆོས་འདི་ལ་ཕན་ཚུན་དུ་མཐོང་ངོ་། ། སྐྱེ་བ་གཞན་དུ་ཕན་ཚུན་དུ་མཐོང་བར་བདག་འདོད་དོ།། མ་ན་ཀུལའི་ཁྱིམ་བདག་མོས།
135b6 བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གང་གི་ཚེ་བཙུན་པ་བཅོམ་ལྡན་འདས་པ་ན་ཀུ་ལའི་ཁྱིམ་བདག་གཞོན་ནུའི་དུས་སུ་བདག་གཞོན་ནུ་མ་བླངས་སོ།། པ་ན་ཀུ་ལའི་ཁྱིམ་བདག་ལས
135b7 འདོད་པ་ལོག་པར་གཡེམ་པའི་སེམས་མ་སྐྱེས་སོ། ། ལུས་ཀྱི་སྐྱོན་མ་བྱུང་བ་གང་ལས་བཙུན་པ་བཅོམ་ལྡན་འདས་མཐོང་བའི་ཆོས་འདི་ལ་ཕན་ཚུན་དུ་མཐོང་ངོ་།། སྐྱེ་བ་གཞན་དུ་ཕན་ཚུན་དུ་མཐོང
iiif viewer powered by OpenSeadragon
