| e-texts navigator |
| Wylie |
384b1 འཇིགས་པ་མེད་པར་གྲོང་ནས་འབྱུང་བ་དང་། འཇིགས་པ་མེད་པར་ཁྱིམ་རྣམས་སུ་འགྲོ་བ་དང་། འཇིགས་པ་མེད་པར་འཁོར་ལ་ཆོས་སྟོན་པ་དང་། འཇིགས་པ་མེད་པར་དགེ་འདུན་གྱི་ནང་དུ་འཇུ།
384b2 པ་དང་། འཇིགས་པ་མེད་པར་སློབ་དཔོན་དང་མཁན་པོའི་དྲུང་དུ་འགྲོ་བ་དང་། འཇིགས་པ་མེད་པར་བྱམས་པའི་སེམས་ཀྱིས་སློབ་མའི་གན་དུ་འགྲོ་བ་དང་། འཇིགས་པ་མེད་པར་གོས་དང་།
384b3 ཟས་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་རྣམས་ཡོངས་སུ་སྦྱོར་བ་དང་། འཇིགས་པ་མེད་པར་ཁ་ཏོན་འདོན་པ་དང་། འཇིགས་པ་མེད་པར་འཆི་བའི་དུས་བྱེད་པའོ།།
384b4 བྲམ་ཟེའི་ཁྱེའུ་དེ་ལྟར་ན་སེམས་ཅན་རྣམས་ནི་ལས་བདག་གིར་འགྱུར་བ། ལས་ཀྱི་སྐྱེ་གནས་ཅན། ལས་ཀྱི་བགོ་སྐལ་ལ་སྤྱོད་པ། ལས་ལ་རྟོན་པ་སྟེ། སེམས་ཅན་རྣམས་ནི་ལས
384b5 ཀྱིས་བཙུན་པ་དང་། དམའ་བ་དང་། དམན་པ་དང་། བཟང་པོར་རྣམ་པར་ཕྱེའོ་ཞེས་ངས་གང་སྨྲས་པ་དེ་ནི་ལས་འདི་ལས་བསམས་ཏེ་སྨྲས་སོ།། ཆོས་ཀྱི་རྣམ་གྲངས་འདི
384b6 བཤད་པ་ན་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ། བཅོམ་ལྡན་འདས་ལ་སེམས་མངོན་པར་དད་དོ།། དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནི་ཙོས། བཅོམ་ལྡན་འདས་ལ་འདི་སྐད་ཅེས
384b7 གསོལ་ཏོ། ། གོའུ་ཏ་མ་ཁྱོད་མཉན་དུ་ཡོད་པར་དགེ་བསྙེན་གྱི་ཁྱིམ་དག་ཏུ་གཤེགས་པར་དགོངས་པ་ལྟ་ན། དེ་ལྟར་ཏོའུ་ཏེ་ལའི་ཁྱིམ་དུ་ཡང་གཤེགས་པར་དགོངས་སུ་གསོལ། དེས་ནི
iiif viewer powered by OpenSeadragon
