| e-texts navigator |
| Wylie |
382b1 བ་དང་བགོ་བ་ཤིན་ཏུ་འཇམ་པོ་རྙེད་པར་འགྱུར་རོ། ། ལྷ་དང་མི་རྣམས་ཀྱི་འདོད་པའི་ཕན་ཡོན་ལྔ་རྙེད་པར་འགྱུར་རོ།། གལ་ཏེ་འདོད་དེ་མ་ལ་ཀྱེ་མ་བདག་རྒྱལ་རིགས་ཤིང་སཱ་ལ་ཆེན་པོ་ལྟ་བུའི་ཁྱིམ་དུ
382b2 སྐྱེ་བར་གྱུར་ཅིག་ཅེ་འམ། བྲམ་ཟེ་ཤིང་སཱ་ལ་ཆེན་པོ་ལྟ་བུའི་ཁྱིམ་དུ་སྐྱེ་བར་གྱུར་ཅིག་ཅེའམ། ཁྱིམ་བདག་ཤིང་སཱ་ལ་ཆེན་པོ་ལྟ་བུའི་ཁྱིམ་དུ་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ
382b3 འགྲུབ་པར་འགྱུར་རོ། ། གལ་ཏེ་འདོད་དེ་ཀྱེ་མ་བདག་གྲོང་གི་གཙོ་བོར་གྱུར་ཅིག་ཅེ་འམ། གྲོང་ཁྱེར་གྱི་གཙོ་བོར་གྱུར་ཅིག་ཅེ་འམ། གྲོང་རྡལ་གྱི་གཙོ་བོར་གྱུར་ཅིག་ཅེ་འམ། རི་བྲགས་ཀྱི་རྒྱལ་པོར
382b4 གྱུར་ཅིག་ཅེ་འམ། རྒྱལ་ཕྲན་དུ་གྱུར་ཅིག་ཅེའམ། རྒྱལ་པོ་བཙན་པར་གྱུར་ཅིག་ཅེ་འམ། དེའི་སྨོན་པ་དེ་དེ་བཞིན་དུ་འགྲུབ་པར་འགྱུར་རོ།། གལ་ཏེ་འདོད་དེ་གླིང་གཅིག་གི་རྒྱལ་པོར་གྱུར
382b5 ཅིག་ཅེ་འམ། གླིང་གཉིས་ཀྱི་རྒྱལ་པོར་གྱུར་ཅིག་ཅེ་འམ། གླིང་གསུམ་གྱི་རྒྱལ་པོ་གྱུར་ཅིག་ཅེ་འམ། འཁོར་ལོས་སྒྱུར་བའི་རྒྱལ་པོར་གྱུར་ཅིག་ཅེ་ན། དེའི་སྨོར་བ་དེ་འགྲུབ་པར་འགྱུར་རོ།།
382b6 གལ་ཏེ་འདོད་དེ་རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན
382b7 དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ་མ་ལ་ཀྱེ་མ
iiif viewer powered by OpenSeadragon
