| e-texts navigator |
| Wylie |
374b1 སྡུག་པ་དང་། མདོག་སྣུམ་པ་དང་། པགས་པ་སྣུམ་པ་དང་། མིག་ཏུ་སྡུག་པར་འགྱུར་བའི་ལས་གང་ཞེ་ན། འདོད་ཆགས་ཀྱིས་ཀུན་ནས་བསླང་བའི་ངང་ཚུལ་ངན་པ་སྟེ། འདི་ནི་ལས་གང་དང
374b2 ལྡན་ན། གང་ཟག་ངན་སོང་རྣམས་སུ་སྐྱེས་ལ་། གཟུགས་བཟང་བ་དང་། བལྟ་ན་སྡུག་པ་དང་། མཛེས་པ་དང་། མདོག་སྣུམ་པ་དང་། པགས་པ་སྣུམ་པ་དང་། མིག་ཏུ་སྡུག་པར
374b3 འགྱུར་བའི་ལས་སོ། ། དེ་ལ་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། མདོག་མི་སྡུག་པ་དང་། ལུས་རྩུབ་པ་དང་། བལྟ་བ་དང་མི་མཐུན་པར་འགྱུར་བའི་ལས་གང་ཞེ་ན།
374b4 ཞེ་སྡང་གིས་ཀུན་ནས་བསླང་བའི་ངང་ཚུལ་ངན་པ་སྟེ། འདི་ནི་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། མདོག་མི་སྡུག་པ་དང་། ལུས་རྩུབ་པ་དང་། བལྟ་ན་མི་སྡིག་པ་དང
374b5 བལྟ་བ་དང་མི་མཐུན་པར་འགྱུར་བའི་ལས་སོ། ། དེ་ལ་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། དྲི་མི་ཞིམ་པ་དང་། དབང་པོ་མི་གསལ་བ་དང་། དབང་པོ་མི་རྣོ་བར་འགྱུར
374b6 བའི་ལས་གང་ཞེ་ན། གཏི་མུག་གིས་ཀུན་ནས་བསླང་བའི་ངང་ཚུལ་ངན་པ་སྟེ། འདི་ནི་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། དྲི་མི་ཞིམ་པ་དང་། དབང་པོ
374b7 མི་གསལ་བ་དང་། དབང་པོ་མི་རྣོ་བར་འགྱུར་བའི་ལས་སོ།། དེ་ལ་མི་དགེ་བ་བཅུའི་ལས་ཀྱི་ལམ་འདི་དག་ཡང་དག་པར་བླངས་པའི་རྒྱུས་ཕྱི་རོལ་གྱི་དངོས་པོ་བཅུ་རྒུད་པར་སྣང་བ་གང་ཞེ་ན།
iiif viewer powered by OpenSeadragon
