| e-texts navigator |
| Wylie |
373b1 ལས་གང་དང་ལྡན་ན། གང་ཟག་ལུས་བདེ་བར་གྱུར་ལ། སེམས་ཀྱིས་མ་ཡིན་པའི་ལས་གང་ཞེ་ན། བསོད་ནམས་བྱས་པའི་སོ་སོའི་སྐྱེ་བོ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ
373b2 ལྟ་བུ་སྟེ། གང་ཟག་འདི་ནི་ལུས་བདེ་བར་གྱུར་ལ། སེམས་ཀྱིས་མ་ཡིན་པའོ།། དེ་ལ་ལས་གང་དང་ལྡན་ན། གང་ཟག་སེམས་བདེ་བར་གྱུར་ལ། ལུས་ཀྱིས་མ་ཡིན་པའི་ལས་གང
373b3 ཞེ་ན། བསོད་ནམས་མ་བྱས་པའི་དགྲ་བཅོམ་པ་སྟེ། དཔེར་ན་གནས་བརྟན་ལེ་ཀུན་ཙི་ཀ་ལྟ་བུ་སྟེ། གང་ཟག་འདི་ནི་སེམས་བདེ་བར་གྱུར་ལ། ལུས་ཀྱིས་མ་ཡིན་པའོ།། དེ་ལ
373b4 ལུས་ཀྱང་བདེ་ལ་སེམས་ཀྱང་བདེ་བའི་གང་ཟག་གང་ཞེ་ན། བསོད་ནམས་བྱས་པའི་དགྲ་བཅོམ་པ་སྟེ། དཔེར་ན་གནས་བརྟན་ཤེ་བ་ལ་ལྟ་བུ་སྟེ། གང་ཟག་འདི་ནི་ལུས་ཀྱང་བདེ
373b5 ལ། སེམས་ཀྱང་བདེ་བའོ།། དེ་ལ་ལུས་ཀྱང་མི་བདེ་ལ། སེམས་ཀྱང་མི་བདེ་བའི་གང་ཟག་གང་ཞེ་ན། འདི་ལྟ་སྟེ། བསོད་ནམས་མ་བྱས་པའི་སོ་སོའི་སྐྱེ་བོ་སྟེ། གང་ཟག་འདི་ནི
373b6 ལུས་ཀྱང་མི་བདེ་ལ། སེམས་ཀྱང་མི་བདེ་བའོ།། དེ་ལ་གང་ཟག་གང་གི་ཚེ་ཟད་པར་གྱུར་ལ། ལས་མ་ཟད་པ་གང་ཞེ་ན། གང་ཟག་གང་སེམས་ཅན་དམྱལ་བ་ནས་ཤི་འཕོས་ལ
373b7 སེམས་ཅན་དམྱལ་བར་སྐྱེ་བ་དང་། དུད་འགྲོ་ནས་ཤི་འཕོས་ལ། དུད་འགྲོར་སྐྱེ་བ་དང་། ཡི་དགས་ལས་ཤི་འཕོས་ལ། ཡི་དགས་སུ་སྐྱེ་བ་དང་། ལྷ་ལས་ཤི་འཕོས་ལ།
iiif viewer powered by OpenSeadragon
