| e-texts navigator |
| Wylie |
372b1 ཕྱིས་ཀྱང་མི་འཕེལ་བ་སྟེ། འདི་ནི་ལས་གང་དང་ལྡན་ན། གང་ཟག་སྔར་ཡང་སྡུག་བསྔལ་བར་གྱུར་ལ། ཕྱིས་ཀྱང་སྡུག་བསྔལ་བར་འགྱུར་བའི་ལས་སོ།། དེ་ལ་ལས་གང་དང་ལྡན་ན།
372b2 གང་ཟག་ཕྱུག་པོར་གྱུར་ལ། གཏོང་བ་དང་ལྡན་པའི་ལས་གང་ཞེ་ན། འདི་ལ་གང་ཟག་འགའ་ཞིག་གིས་སྣོད་བཟང་པོར་གྱུར་པ་རྣམས་ལ་སྦྱིན་པ་དཔག་ཏུ་མེད་པ་བྱིན་པ་ཡིན། དེས་གཏོང
372b3 བ་གོམས་པར་བྱས་པ་ཡིན་ཏེ། དེས་བསོད་ནམས་དག་བསྒོམས་པས་ཕྱག་པོར་འགྱུར། གཏོང་བ་བསྒོམས་པས་གཏོང་བ་དང་ལྡན་པར་འགྱུར་ཏེ། འདི་ནི་ལོས་གང་དང་ལྡན་ན། གང
372b4 ཟག་ཕྱུག་པོར་གྱུར་ལ། གཏོང་བ་དང་ལྡན་པའི་ལས་སོ།། དེ་ལ་ལས་གང་དང་ལྡན་ན། གང་ཟག་ཕྱུག་པོར་གྱུར་ལ། སེར་སྣ་ཅན་དུ་འགྱུར་བའི་ལས་གང་ཞེ་ན། འདི་ལ་གང་ཟག་འགའ་ཞིག
372b5 གིས་སྣོད་དུ་གྱུར་པ་རྣམས་ལ་སྦྱིན་པ་ཅུང་ཟད་ཙམ་བྱིན་པ་ཡིན་གྱི། དེ་གཏོང་བ་ལ་ཆེར་གོམས་པར་མ་བྱས་པ་ཡིན་ཏེ། གང་ཟག་དེ་གང་གི་ཚེ་མིའི་ནང་དུ་སྐྱེ་བ་ན་ཕྱུག་པ་དང་། ནོར་ཆེ་བ་དང་།
372b6 ལོངས་སྤྱོད་ཆེ་བ་དང་། ནོར་དོང་ཡོ་བྱད་མང་བ་དང་། བདག་དབང་བ་མང་བའི་ཕྱི་རྣམས་སུ་སྐྱེ་བར་འགྱུར་ཏེ། སྣོད་བཟང་པོ་རྣམས་ལ་ཕུལ་བས་ནི་སྐྱེད་པར་འགྱུར། གཏོང་བ་ལ་གོམས་པར་མ
372b7 བྱས་པ་སོ་ནི་སེར་སྣ་ཅན་དུ་འགྱུར་ཏོ། འདི་ནི་ལས་གང་དང་ལྡན་ན། གང་ཟག་ཕྱུག་པོར་གྱུར་ལ། སེར་སྣ་ཅན་དུ་འགྱུར་བའི་ལས་སོ།། དེ་ལ་ལས་གང་དང་ལྡན་ན། གང་ཟག
iiif viewer powered by OpenSeadragon
