| e-texts navigator |
| Wylie |
372a1 ཡིད་བདེ་བ་སྐྱེས་ནས། བྱིན་ནས་ཀྱང་མི་འགྱོད་པ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱེ་བར་ཕྱུག་པ་དང་། ནོར་ཆེ་བ་དང་། ལོངས་སྤོང་ཆེ་བ་དང་།
372a2 ནོར་དང་ཡོ་བྱད་མང་བ་དང་། བདག་དབང་བ་མང་བ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་དང་། མཛོད་དང་བང་བ་ཡོངས་སུ་གང་བའི་ཁྱིམ
372a3 རྣམས་སུ་སྐྱེ་བར་འགྱུར་ཏེ། ཁྱིམ་དེ་ལྟ་བུ་དག་ཏུ་སྐྱེས་ནས་ཤིན་ཏུ་སྐྱིད་ལ། བཞོན་པ་ལ་ཞོན་ཞིང་བདེ་བར་སྤོད་ལ། དེའི་ལོངས་སྤོད་དེ་དག་ཕྱིས་ཀྱང་འཕེལ་བ་སྟེ། འདི་ནི་ལས།
372a4 གང་དང་ལྡན་ན། གང་ཟག་སྔར་ཡང་བདེ་བར་གྱུར་ལོ། ཕྱིས་ཀྱང་བདེ་བར་འགྱུར་བའི་ལས་སོ།། དེ་ལ་ལ་སོ་གང་དང་ལྡན་ན། གང་ཟག་སྔོར་ཡང་སྡུག་བསྔལ་བར་གྱུར་ལ། ཕྱི
372a5 ཀྱང་སྡུག་བསྔལ་བར་འགྱུར་བའི་ལས་གང་ཞེ་ན། འདི་ལ་གང་ཟག་འགའ་ཞིག་དགེ་བའི་བཤེས་གཉེན་དང་བྲལ་བར་གྱུར་ཏེ། དེ་སུས་ཀྱང་སྦྱིན་པ་ཡང་དག་པར་འཛིན་དུ་མ་བཅུག་པ་ཡིན།
372a6 དེས་ཀྱང་སྦྱིན་པ་ཅི་ཡང་མ་བྱིན་པ་ཡིན། དེས་དགེ་བའི་ལས་ཀྱང་ཅི་ཡང་མ་བྱས་ཤིང་མ་བསགས་པ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱེ་བ་ན་དབུལ་པོ་བཟའ་བ་དང་། བཏུང་བ
372a7 དང་། ཁོ་ཟས་ཉུང་བ། སྡུག་བསྔལ་བས་འཚོ་བའི་ཁྱིམ་རྣམས་སུ་སྐྱེ་བར་འགྱུར་ཏེ། དེ་དེར་སྐྱེས་ནས་སྡུག་བསྔལ་བར་བཟའ་བ་དང་བགོ་བ་རྙེད་པར་མི་འགྱུར་ལ། དེའི་ལོངས་སྤྱོད་དེ་དག
iiif viewer powered by OpenSeadragon
