| e-texts navigator |
| Wylie |
371a1 བསགས་པར་གྱུར་ལ། དེ་ལས་དེ་བྱས་པས་ངོ་ཚ་བ་དང་། འཛེམ་པ་དང་། འགྱོད་པ་དང་། སྨོད་པ་དང་། འཆགས་པ་དང་། འཐོལ་བ་དང་། འདོར་བ་དང་། སྤོང་བ་དང་།།
371a2 དེ་ཤིན་ཏུ་ཡིད་ལ་གཅགས་པ་ཡིན་ཡང་ཡིད་ལ་གཅགས་པ་དེས་ལས་དེ་སེལ་བར་མི་ནུས་པ་སྟེ། དཔེར་ན་རྒྱལ་པོ་མ་སྐྱེས་དགྲས་པ་བསད་པ་ལྟ་བུའོ།། དེ་སྐད་དུ། ཤིན་ཏུ་མི་བཟང་ལས་རྣམས
371a3 བྱས་པ་ནི། ། བདག་ལ་སྨོད་དང་རབ་ཏུ་བཤགས་པ་དང་།། སྡོམ་པར་བྱེད་པས་དེ་དག་བསྲབས་འགྱུར་གྱི།། ཤིན་ཏུ་རྩ་ནས་ཕྱིན་ཅེས་མི་སྨྲའོ།། ཞེས་གསུངས་སོ།། འདི་ནི་ལས་གང
371a4 དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་མ་ཐག་ཏུ་འཚོ་འཕོ་བའི་ལས་སོ།། དེ་ལ་ལས་གང་དང་ལྡན་ན། གང་ཟག་སྔར་བདེ་བར་གྱུར་ལ། ཕྱིས་སྡུག་བསྔལ་བར་འགྱུར
371a5 བའི་ལས་གང་ཞེ་ན། འདི་ལ་གང་ཟག་འགའ་ཞིག་སྦྱིན་པ་སྦྱིན་པ་ན། ཡིད་རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ལ་བྱིན་ནས་ནི་འགྱེད་པ་ཡིན་ཏེ། གང་ཟག་དེ་གང་གི་ཚེ།
371a6 མི་རྣམས་ཀྱི་ནང་དུ་སྐྱེ་བ་ན་ཕྱག་པ་དང་། ནོར་ཆེ་བ་དང་། ལོངས་སྤོད་ཆེ་བ་དང་། ནོར་དང་ཡོ་བྱད་མང་བ་དང་། བདག་དབང་བ་མང་བ་དང་། མཛའ་བཤེས་དང་། བློན་པོ་དང་། ཉེ་དུ
371a7 དང་། སྣག་གི་གཉེན་མཚམས་མང་བ་དང་། མཛོད་དང་བང་བ་ཡོངས་སུ་གང་བའི་ཁྱིམ་རྣམས་སུ་སྐྱེ་བར་འགྱུར་ཏེ། ཁྱིམ་དེ་ལྟ་བུ་དག་ཏུ་སྐྱེས་ནས་ཤིན་ཏུ་སྐྱིད་ལ། བཞོན་པ་ལ་ཞོན་ཞིང
iiif viewer powered by OpenSeadragon
