| e-texts navigator |
| Wylie |
370b1 བསགས་པར་གྱུར་ལ། དེ་ལས་དེས་ངོ་མི་ཆེ་བ་དང་། མི་འཛེམ་པ་དང་། མི་འགྱོད་པ་དང་། མི་སྨོད་པ་དང་། མི་འཆགས་པ་དང་། མི་འཐོལ་བ་དང་། མི་འདོར་བ་དང་། མི་སྤོང་བ
370b2 དང་། མི་གཤུང་བ་དང་། སྨོང་པར་མི་བྱེད་པ་དང་། ཡང་གནོད་པར་བྱའོ་ཞེས་ཤ་ར་གཉེར་བ་ཚོལ་བ་སྟེ། དཔེར་ན་ལྷ་སྤྲིན་ལྟ་བུའོ།། འདི་ནི་ལས་གང་དང་ལྡན་ན། གང་ཟག་སེམས
370b3 ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བ་པའི་ཚེ་ཡོངས་སུ་རྫོགས་པར་ཟད་པར་བྱས་ནས་འཆི་འཕོ་བའི་ལས་སོ།། དེ་ལ་ལས་གང་དང་ལྡན་ན། གང་ཟག་སེམས་ཅན
370b4 དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བའི་ཚེ་ཕྱེད་ཟད་པར་བྱས་ན་འཆི་འཕོ་བའི་ལས་གང་ཞེ་ན། འདི་ལ་གང་ཟག་འགའ་ཞིག་གིས་སེམས་ཅན་དམྱལ་བར་འགྱུར་བའི་ལས
370b5 བྱས་ནས་ངོ་ཚ་བ་དང་། འཛེམ་པ་དང་། འགྱོད་པ་དང་། སྨོད་པ་དང་། འཆགས་པ་དང་། འཐོལ་བ་དང་། འདོར་བ་དང་། སྤོང་བ་དང་། མ་འོངས་པ་ན་སྡོམ་པར་བྱེད་པ་སྟེ།
370b6 འདི་ནི་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བ་པའི་ཚེ་ཕྱེད་ཟད་པར་བྱས་ནས་འཆིའི་ཕོ་བའི་ལས་སོ།། དེ་ལ་ལས་གང་དང་ལྡན
370b7 ན། གང་ཟག་སེམས་ཅན་དམྱལ་བ་རྣམས་སུ་སྐྱེས་མོ་ཐག་ཏུ་འཆི་འཕོ་བའི་ལས་གང་ཞེ་ན། འདི་ལ་གང་ཟག་འགའ་ཞིག་གཽས་སེམས་ཅན་དམྱལ་བར་འགྱུར་བའི་ལས་བྱས་ཤིང
iiif viewer powered by OpenSeadragon
