| e-texts navigator |
| Wylie |
370a1 བྱས་ལ་བསགས་པ་མ་ཡིན་པའི་ལས་གང་ཞེ་ན། ལས་གང་བྱས་ནས་ངོ་ཚ་བ་དང་། འཛེམ་པ་དང་། འགྱོད་པ་དང་། སྨོང་བ་དང་། འཆགས་པ་དང་། འཐོལ་བ
370a2 དང་། འདོར་བ་དང་། སྤོང་བ་དང་། མ་འོངས་པ་ན་སྡོམ་པར་བྱེད་པ་སྟེ། ལས་འདི་ནི་བྱས་ལ་བསགས་པ་མ་ཡིན་པའོ།། དེ་ལ་བསགས་ལ་མ་བྱས་པའི་ལས་གང་ཞེ་ན། ལས་གང
370a3 ལུས་ཀྱིས་ཡོངས་སུ་རྫོགས་པར་བྱ་བ་དེ་སེམས་ཀྱིས་ཡོངས་སུ་རྫོགས་པར་བྱས་ཤིང་། ཚིག་ཏུ་ཡང་ལས་འདི་བྱའོ་ཞེས་སྨྲས་ལ་དེ་མ་བྱས་པ་སྟེ། ལས་འདི་ནི་བསགས་ལ་མ་བྱས
370a4 པའོ། ། དེ་ལ་བྱས་ལ་བསགས་པའི་ལས་གང་ཞེ་ན། ལས་གང་བྱས་ནས་ངོ་མི་ཚ་བ་དང་། མི་འཛེམ་པ་དང་། མི་འགྱེད་པ་དང་། མི་སྨོད་པ་དང་། མི་འཆགས་པ་དང་། མི
370a5 འཐོལ་བ་དང་། མི་འདོར་བ་དང་། མི་སྤོང་བ་དང་། མ་འོངས་པ་ན་སྡོམ་པར་མི་བྱེད་པ་སྟེ། ལས་འདི་ནི་བྱས་ལ་བསགས་པའོ།། དེ་ལ་མ་བྱས་ལ་མ་བསགས་པའི་ལས་གང་ཞེ།
370a6 ན་ལས་གང་ཆེད་དུ་མ་བསམས་པར་བྱས་པ་སྟེ། ལས་འདི་ནི་མ་བྱས་ལ་མ་བསགས་པའོ།། དེ་ལ་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ
370a7 སེམས་ཅན་དམྱལ་བ་པའི་ཚེ་ཡོངས་སུ་རྫོགས་པས་ཟད་པར་བྱས་ནས་འཆི་འཕོ་བའི་ལས་གང་ཞེ་ན། འདི་ལ་གང་ཟག་འགའ་ཞིག་གིས་སེམས་ཅན་དམྱལ་བར་འགྱུར་བའི་ལས་བྱས་ཤིང
iiif viewer powered by OpenSeadragon
