| e-texts navigator |
| Wylie |
369b1 མཆེད་ཉེ་བར་བསྒྲུབས་ཏེ་གནས་པ་དང་། ནམ་མཁའ་མཐའ་ཡས་སྐྱེ་མཆེད་ལས་རྣམ་པ་ཐམས་ཅད་དུ་ཡང་དག་པར་འདས་ནས་རྣམ་པར་ཤེས་པ་མཐའ་ཡས་སོ་ཞེས། རྣམ་ཤེས་མཐའ་ཡས་སྐྱེ
369b2 མཆེད་ཉེ་བར་བསྒྲིབས་ཏེ་གནས་པ་དང་། རྣམ་ཤེས་མཐའ་ཡས་སྐྱེ་མཆེད་ལས་རྣམ་པ་ཐམས་ཅད་དུ་ཡང་དག་པར་འདས་ནས་ཅི་ཡང་མེད་དོ་ཞེས། ཅི་ཡང་མེད་པའི་སྐྱེ་མཆེད་ཉེ་བར་བསྒྲུབས
369b3 ཏེ་གནས་པ་དང་། ཅི་ཡང་མེད་པའི་སྐྱེ་མཆེད་ལས་རྣམ་པ་ཐམས་ཅད་དུ་ཡང་དག་པར་འདས་ནས། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཉེ་བར་བསྒྲུབས་ནས་གནས་པ་སྟེ། ལས་འདི
369b4 ནི་གཟུགས་མེད་པ་ན་སྤོད་པའི་ལྷར་སྐྱེ་བར་འགྱུར་བའོ། ། དེ་ལ་ངེས་པར་སྐྱེ་བར་འགྱུར་བའི་ལས་གང་ཞེ་ན། དགེ་བའི་ལས་གང་བྱས་ནས། འདིས་བདག་འདི་ལྟ་བུ་ཞིག་ཏུ་སྐྱེ་བར་གྱུར་ཅིག་ཅེས
369b5 ཡོངས་སུ་བསྔོ་བ་དང་། མཚམས་མེད་པ་ལྔ་རྣམས་ཏེ། འདི་ནི་ངེས་པར་སྐྱེ་བར་འགྱུར་བའོ།། དེ་ལ་སྐྱེ་བར་འགྱུར་བར་མ་ངེས་པའི་ལས་གང་ཞེ་ན། དགེ་བའི་ལས་གང་བྱས་ནས་ཅིར
369b6 ཡང་ཡོངས་སུ་མི་བསྔོ་བ་སྟེ། ལས་འདི་ནི་སྐྱེ་བར་འགྱུར་བར་མ་ངེས་པའོ།། དེ་ལ་ཡུལ་གཞན་དུ་རྣམ་པར་སྨིན་པར་འགྱུར་བའི་ལས་གང་ཞེ་ན། འདིར་དགེ་བ་དང་མི་དགེ་བའི་ལས
369b7 གང་བྱས་པ་ཡུལ་གཞན་དུ་སོང་ནས་རྣམ་པར་སྨིན་པར་འགྱུར་བ་སྟེ། དཔེར་ན་ཚོང་པ་མཛའ་བོའི་བུ་མོ་ལྟ་བུ་སྟེ། ལས་འདི་ནི་གཞན་དུ་རྣམ་པར་སྨིན་པར་འགྱུར་བའོ།། དེ་ལ
iiif viewer powered by OpenSeadragon
