| e-texts navigator |
| Wylie |
368a1 མཁས་པ་རྣམས་ལ་མི་འཇིགས་པ་ཉེ་བར་བསྒྲུབ་པ་དང་། ལེགས་པར་བཤད་པ་རྣམས་ཡོངས་སུ་མི་སྤོང་བ་དང་། ཉེས་པར་བཤད་པ་རྣམས་ཡོངས
368a2 སུ་སྤོང་བ་དང་། དམ་པའི་ཆོས་ཡོངས་སུ་མི་སྤོང་བ་དང་། དམ་པའི་ཆོས་མ་ཡིན་པ་ཡོངས་སུ་སྤོང་བ་དང་། ཆོས་སྨྲ་བའི་གང་ཟག་རྣམས་ལ་ལེགས་སོ་ཞེས་བྱ་བ་སྦྱིན་པ་དང་།
368a3 ལོག་པར་ལྟ་བ་ལ་སྨོད་པ་དང་། ཡང་དག་པར་ལྟ་བ་ལ་བསྔགས་པར་བྱེད་པའོ།། ཆོས་བཅུ་པོ་དེ་དག་ནི་ཤེས་རབ་ཆེན་པོར་འགྱུར་བ་སྟེ། ལས་འདི་ནི་ཤེས་རབ་ཆེན་པོར་འགྱུར་བའོ།།
368a4 དེ་ལ་སེམས་ཅན་དམྱལ་བར་སྐྱེ་བར་འགྱུར་བའི་ལས་གང་ཞེ་ན། སེམས་ཅན་དམྱལ་བར་སྐྱེ་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ལུས་ཀྱི་ཉེས་པར་སྤྱོད་པ་ཆེ་བ
368a5 དང་། ངག་གི་ཉེས་པར་སྤྱོད་པ་ཆེ་བ་དང་། ཡིད་ཀྱི་ཉེས་པར་སྨོད་པ་ཆེ་བ་དང་། ཆད་པར་ལྟ་བ་དང་། རྟག་པར་ལྟ་བ་དང་། མེད་པར་ལྟ་བ་དང་། བྱེད་པ་མེད་པར་ལྟ་བ
368a6 དང་། བྱས་པ་མི་གཟོ་བ་དང་། མཚམས་མེད་པའི་ལས་ལ་སྐུར་པོ་འདེབས་པ་དང་། ལོག་པར་ལྟ་བ་ཡང་དག་པར་འཛིན་དུ་འཇུག་པ་ནི་བཅུ་པའོ།། ཆོས་བཅུ་པོ་དེ་དག་ནི་སེམས
368a7 ཅན་དམྱལ་བར་སྐྱེ་བར་འགྱུར་བ་སྟེ། ལས་འདི་ནི་སེམས་ཅན་དམྱལ་བར་སྐྱེ་བར་འགྱུར་བའོ།། དེ་ལ་དུད་འགྲོར་སྐྱེ་བར་འགྱུར་བའི་ལས་གང་ཞེ་ན། དུད་འགྲོར་སྐྱེ་བར་འགྱུར་བའི་ཆོས
iiif viewer powered by OpenSeadragon
