| e-texts navigator |
| Wylie |
367b1 འདི་ནི་ལོངས་སྤྱོད་ཆེན་པོར་འགྱུར་བའོ། ། དེ་ལ་ཤེས་རབ་འཆལ་པར་འགྱུར་བའི་ལས་གང་ཞེ་ན། ཤེས་རབ་འཆལ་པར་འགྱུར་བའི་ཆོས་བཅུ་སྟེ། བཅུ་གང་ཞེ་ན། འདི་ལ་གང་ཟག་དགེ་སྦྱོང་དང་། བྲམ་ཟེ་མཁས་པ
367b2 དང་མཁས་པའི་གྲངས་སུ་གཏོགས་པ་གང་ཡིན་པ་དེ་དག་གི་གན་དུ་འགྲོ་ཡང་ཡོངས་སུ་མི་འདྲི། ཡོངས་སུ་འདྲི་བར་མི་བྱེད། མི་བསྙེན། མི་བསྟེན། བསྙེན་བཀུར་མི་བྱེད་པ་དང་། འཆལ་པའི་ཤེས་རབ་ཅན་ལ
367b3 བསྙེན་ཅིང་བསྟེན་ཏེ་བསྙེན་བཀུར་བྱེད་པ་དང་། མཁས་པ་རྣམས་ཀྱི་མི་འཇིགས་པ་གཅོད་པ་དང་། ལེགས་པར་བཤད་པ་རྣམས་ཡོངས་སུ་སྤོང་བ་དང་། ཉེས་པར་བཤད་པ་རྣམས་ཀུན་ཏུ་འཛིན་པ་དང་། དམ་པའི་ཆོས་མ་ཡིན
367b4 པ་ཡོངས་སུ་སྟོན་པ་དང་། དམ་པའི་ཆོས་ཡོངས་སུ་སྤོང་བ་དང་། ཆོས་སྨྲ་བ་རྣམས་ལ་ལེགས་སོ་ཞེས་བྱ་བ་མི་སྦྱིན་པ་དང་། ལོག་པར་ལྟ་བ་ལ་བསྔགས་པར་བྱེད་པ་དང་། ཡང་དག་པར་ལྟ་བ་ལ་སྨོད་པའོ།། ཆོས
367b5 བཅུ་པོ་དེ་དག་ནི་ཤེས་རབ་འཆལ་པར་འགྱུར་བ་སྟེ། ལས་འདི་ནི་ཤེས་རབ་འཆལ་བར་འགྱུར་བའོ།། དེ་ལ་ཤེས་རབ་ཆེན་པོར་འགྱུར་བའི་ལས་གང་ཞེ་ན། ཤེས་རབ་ཆེན་པོར་འགྱུར་བའི་ཆོས་བཅུ་སྟེ།
367b6 བཅུ་གང་ཞེ་ན། འདི་ལ་གང་ཟག་དགེ་སྦྱོང་དང་བྲམ་ཟེ་མཁས་པ་མཁས་པའི་གྲངས་སུ་གཏོགས་པ་གང་ཡིན་པ་དེ་དག་གི་གན་དུ་འགྲོ་སྟེ་ཡོངས་སུ་འདྲི་ཞིང་། ཡོངས་སུ་འདྲི་བར་བྱེད་ལ་བསྙེན
367b7 ཅིང་བསྟེན་ཏེ་བསྙེན་བཀུར་བྱེད་པ་དང་། ཤེས་རབ་འཆལ་པ་ཅན་རྣམས་ལ་མི་བསྙེན།། མི་བསྟན། བསྙེན་བཀུར་མི་བྱེད་པ་དང་།
iiif viewer powered by OpenSeadragon
