| e-texts navigator |
| Wylie |
359b1 ལྟར་འདིར་ང་ལ་སེམས་རབ་ཏུ་ཁྲོས་པའི་ཕྱིར་རོ། ། སེམས་རབ་ཏུ་ཁྲོས་པའི་རྒྱུས་དེ་ལྟར་འདི་ན་སེམས་ཅན་ཁ་ཅིག་ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོ་རྣམ་པར་ལྟུང་བ་སེམས་ཅན
359b2 དམྱལ་བ་རྣམས་སུ་སྐྱེ་བར་འགྱུར་རོ། ། དེ་ནས་དགེ་སློང་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ། འདི་ན་གང་ཟག་ཁ་ཅིག་ནི།། རབ་ཏུ་སེམས་ཁྲོས་གྱུར་གཟིགས་ནས།། སྟོན་པས།
359b3 དགེ་སློང་ཚོགས་རྣམས་ལ།། དོན་དེ་ཉིད་ནི་ལུང་བསྟན་ཏོ།། ཀྱེ་མ་གསོན་པའི་མི་འདི་ནི།། ད་ནི་འཆི་བའི་དུས་བྱེད་ན།། དེ་ཡི་སེམས་ནི་ཁྲོས་པའི་ཕྱིར།། སེམས་ཅན་དམྱལ་བ་རྣམས།
359b4 སུ་སྐྱེ། དེ་བཞིན་གཤེགས་ལ་སེམས་ཁྲོས་པ།། དེ་ཡི་རྒྱུས་ནི་སེམས་ཅན་རྣམས།། དཔེར་ན་མདའ་ནི་འཕངས་པ་བཞིན།། དེ་ལྟར་ངན་འགྲོར་འགྲོ་བར་འགྱུར།། དེ་ནས་ཏོའུ་ཏེ་ཡའི
359b5 བུ་བྲམ་ཟེའི་ཁྱེའུ་ནེ་ཙོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་དང་ལྷན་ཅིག་ཏུ་མངོན་དུ་ཀུན་དགའ་བར་བྱ་བ་དང་། ཡང་དག་པར་ཆགས་པར་བྱ་བའི་གཏམ་རྣམ
359b6 པ་མང་པོ་བྱས་ནས་ཕྱོགས་གཅིག་ཏུ་འདུག་གོ། ། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནི་ཙོ་ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གོའུ་ཏ་མ་ཁྱོད་བདག་གི་ཁྱིམ་དུ
359b7 བྱོན་ནམ། བྲམ་ཟེའི་ཁྱེའུ་ཕྱིན་ནོ།། གོའུ་ཏ་མ་ཁྱོད་ཀྱིས་བདག་གི་ཁྱི་དུང་ལ་ཅི་ཞིག་མ་གསུངས་སམ། བྲམ་ཟེའི་ཁྱེའུ་ང་འདིར་སྔ་དྲོ་ཆོས་གོས་དང་ཤམ་ཐབས་བགོས་ལྷུང་བཟེད་ཐོགས་ནས
iiif viewer powered by OpenSeadragon
