| e-texts navigator |
| Wylie |
358b1 ནས། མཐར་ཆགས་སུ་མཉན་དུ་ཡོད་པར་བསོད་སྙོམས་བཞེས་ཏེ། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙེའི་ཁྱིམ་ག་ལ་བ་དེར་གཤེགས་སོ།། དེའི་ཚེ་ཏོའུ་ཏེ་ཡའི་བུ་བྲམ་ཟེའི
358b2 ཁྱེའུ་ནེ་ཙེའི་ཁྱིམ་དེ་ན། ཁྲི་རས་ཀཽ་ནི་ཀ་བཏིང་བའི་སྟེང་ན་ཁྱི་དྲུང་ཞེས་བྱ་བ་འདུག་སྟེ། འཁར་གཞོང་རྡོ་བ་ཁར་བླངས་པ་ལ། འབྲས་ཆན་དང་ཤ་བསྲེས་པའི་ཁྲུད་མ་འཐུང་བ་ལས། ཁྱི་དུང
358b3 གིས་བཅོམ་ལྡན་འདས་སྒོ་དྲུང་ན་བཞུགས་པ་མཐོང་སྟེ། མཐོང་ནས་ཀྱང་འའུ་ཞེས་གཟུགས་སོ།། དེ་ནས་བཅོམ་ལྡན་འདས་ཀྱིས། ཁྱི་དུང་ལ་འདི་སྐད་ཅེས་བཀའ་སྩལ
358b4 ཏེ་ཁྱི་དུང་ཁྱོད་ཀྱི་ཞེས་བྱ་བ་ལས་ཁེའུ་ཞེས་གཟུགས་པར་གྱུར་ན། དེས་ཀྱང་མ་དུལ་ལམ། དེ་སྐད་ཅེས་བཀའ་སྩལ་པ་དང་། ཁྱི་དུང་ཁྲོས་འཁྲུགས་ཚིག་པ་ཟོས་ཏེ་ཡི་མ་རངས
358b5 ནས་རས་ཀོ་ནི་ཀ་བཏིང་བའི་ཁྲི་ལས་བབས་ཏེ། ཁྲི་འོག་ན་གཏོར་ཁུང་གི་ཤིང་གི་ཝ་ལ་འདུག་གོ། དེའི་ཚེ་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནི་ཙེ་བྱ་བ་ཞིག་གི་ཕྱིར་ཕྱི་རོལ་ཏུ་བྱུང་བ་ལས།
358b6 དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་སླར་ལོག་པ་དང་། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོས་ཁྱི་དུང་ཁྲིའི་འོག་ན་གཏོར་ཁུང་གི་ཝ་ལ་འདུག་པ་མཐོང་ངོ་།། མཐོང་ནས་ཀྱང་ནང་མི་ལ་སྨྲས
358b7 པ་ཁྱེད་ཀྱིས་ཁྱི་དུང་འདི་ལ་ཅི་ཞིག་སྨྲས་ཇོ་བོ་བདག་ཅག་གང་གིས་ཀྱང་ཁྱི་དུང་ལ་ཅི་ཡང་མ་སྨྲས་སོ། ། དེ་ལྟ་ལགས་མོད་ཀྱི་དགེ་སྦྱོང་གོའུ་ཏ་མ་བྱོན་པར་གྱུར་ཏེ། ཁྱི་དུང་གིས་དགེ
iiif viewer powered by OpenSeadragon
