| e-texts navigator |
| Wylie |
274a1 དེ་དུས་མ་ཡིན་པར་སྨྲ་བ་དང་། ཡང་དག་པ་མ་ཡིན་པར་སྨྲ་བ་དང་། མི་བདེན་པ་སྨྲ་བ་དང་། ཕན་པ་མ་ཡིན་པ་སྨྲ་བ་དང་། སྐུར་པ་སྨྲ་བ་དང་། ཆོས་མ་ཡིན་པ་སྨྲ་བ་དང་།
274a2 གྱ་ཙོམ་དུ་སྨྲ་ཞིང་བབ་ཅོལ་གྱི་ཚིག་སྨྲ་བ་དང་། གཏན་ཚིགས་མེད་པ་དང་། སྙད་མེད་པ་དང་། དོན་དང་མི་ལྡན་པ་དང་། འཆལ་པ་རྣམས་ནི་ཚིག་བཀྱལ་པ་མ་སྤངས་པ་ཡིན་ནོ།། དགེ་སློང
274a3 དག་དེ་ལྟར་ན་ངག་གིས་ཆེད་དུ་བྱས་པའི་ལས་རྣམ་པ་བཞི་བྱས་ཤིང་བསགས་པ་མི་དགེ་བ་སྡུག་བསྔལ་སྐྱེད་ལ་རྣམ་པར་སྨིན་པ་སྡུག་བསྔལ་བ་ཡིན་ནོ། ། དགེ་སློང་དག་ཡིད་ཀྱིས་ཆེད་དུ་བྱས་པའི་ལས
274a4 རྣམ་པ་གསུམ་བྱས་ཤིང་བསགས་པ་མི་དགེ་བ་སྡུག་བསྔལ་སྐྱེད་པ་རྣམ་པར་སྨིན་པ་སྡུག་བསྔལ་བ་ཇི་ལྟ་བུ་ཞེ་ན། བརྣ་བ་སེམས་ནི་ཕ་རོལ་གྱི་རྫས་རྣམས་དང་། ཕ་རོལ་གྱི་ནོར་རྣམས་དང
274a5 ཕ་རོལ་གྱི་ཡོ་བྱད་རྣམས་མཐོང་ན་བརྣབ་སེམས་སྐྱེད་པར་བྱེད་དེ། ཀྱེ་མ་འདི་དག་བདག་ལ་ཡོད་ཀྱང་ཙ་མི་རུང་སྙམ་སྟེ། བརྣབ་སེམས་མ་སྤངས་པ་ཡིན་ནོ།། གནོད་སེམས་ཀྱིས་སྡང
274a6 བར་བྱེད་པ་ནི། ཀྱེ་མ་སེམས་ཅན་འདི་དག་བརྒྱབ་ཀྱང་རུང་ངོ་།། བསད་ཀྱང་རུང་ངོ་།། ཉམས་པར་བྱས་ཀྱང་རུང་ངོ་།། མི་རིགས་པར་ཉོན་མོངས་པར་བྱས་ཀྱང་རུང་ངོ་སྙམ་པ་ནི་གནོད་སེམས
274a7 ཀྱི་སྡང་བ་མ་སྤངས་པ་ཡིན་ནོ། ། ལོག་པར་ལྟ་བ་ནི་ཕྱིན་ཅི་ལོག་ཏུ་ལྟ་ཞིང་འདི་ལྟར་ལྷ་ལ་འདི་སྐད་དུ་སྨྲ་སྟེ། སྦྱིན་པ་མེད་དོ།། མཆོད་སྦྱིན་མེད་དོ།། སྦྱིན་སྲེག་མེད་རོ།། ལེགས་པར
iiif viewer powered by OpenSeadragon
