| e-texts navigator |
| Wylie |
273b1 ཕྲ་མ་ཟེར་བ་ནི་ཚུ་རོལ་པ་རྣམས་ཀྱི་ཐོས་ནས་དེ་དག་དབྱེ་བའི་ཕྱིར་ཕ་རོལ་པོ་རྣམས་ཀྱི་ཐད་དུ་སོང་སྟེ་བསྙད་ལ། དེ་དག་གིས་ཐོས་ན་ཡང་ཚུ་རོལ་པ་རྣམས་དབྱེ་བའི་ཕྱིར་ཚུ་རོལ་པ་རྣམས་ཀྱི་ཐད་དུ་སོང་སྟེ།
273b2 བསྙད་པར་བྱེད་དེ། དེ་ལྟར་བཟླུམ་པ་རྣམས་དབྱེ་བ་དང་བྱེ་བ་རྣམས་ལ་རྗེས་སུ་ཕྱོགས་ལ་མི་མཐུན་པར་འདོད་ཅིང་། མི་མཐུན་པར་དགའ་སྟེ། མི་མཐུན་པར་འགྱུར་བའི་ཚིག་སྨྲ་བ་ནི་ཕྲ་མ་མ་སྤངས
273b3 པ་ཡིན་ནོ། ། ཚིག་རྩུབ་པོར་སྨྲ་བ་ནི་དེས་ཚིག་འཇམ་ཞིང་རྣར་སྙན་ལ། ཡིད་དུ་བོང་བ་དང་། སྙན་པ་དང་། འདོད་པར་བྱ་བ་དང་། ཕོ་བྲང་འཁོར་གྱི་སྐད་དང་། སྙན་ཅིང་འཇེབས་པ་དང་།
273b4 ཟུར་ཕྱིན་པ་དང་། བརྡར་ཕྲད་པ་དང་། རྣ་བར་འོང་བ་དང་། སྐྱེ་བོ་མང་པོའི་སྙིང་དུ་སྡུག་པ་དང་། སྐྱེ་བོ་མང་པོས་གཅེས་པར་བྱ་བ་དང་། སྐྱེ་བོ་མང་པོ་དགའ་བ་དང་། སྐྱེ་བོ་མང་པོའི
273b5 ཡིད་དུ་འོང་བ་དང་། མཉམ་པར་བཞག་པ་དང་། ཏིང་ངེ་འཛིན་དུ་འགྱུར་བ་གང་ཡིན་པ་དེ་དག་དང་། དེ་ལྟ་བུའི་ཚིག་བོར་ཏེ་ཚིག་ཀུན་ཏུ་བཟུང་བ་དང་། རྩུབ་པ་དང་། གཞན་གྱིས་མི
273b6 བཟོད་པ་དང་། གཞན་གྱི་ཞེར་འདེབས་པ་དང་། སྐྱེ་བོ་མང་པོའི་སྙིང་དུ་མི་སྡུག་པ་དང་། སྐྱེ་བོ་མང་པོས་གཅེས་པར་མི་བྱ་བ་དང་། སྐྱེ་བོ་མང་པོ་མི་དགའ་བ་དང་། སྐྱེ་བོ་མང་པོའི་ཡིད་དུ་མི་འོང
273b7 བ་དང་། མཉམ་པར་གཞག་པ་མ་ཡིན་པ་དང་། ཏིང་ངེ་འཛིན་དུ་གྱུར་པ་མ་ཡིན་པ་གང་ཡིན་པ་རྣམས་ཏེ། དེ་ལྟ་བུའི་ཚིག་རྣམས་སྨྲ་བ་ནི་ཚིག་རྩུབ་པོ་མ་སྤངས་པ་ཡིན་ནོ།། ཚིག་འཁྱལ་པ་ནི།
iiif viewer powered by OpenSeadragon
