| e-texts navigator |
| Wylie |
273a1 རིགས་གཅིག་པས་བསྲུངས་པ་འམ། གཉེན་གྱིས་བསྲུངས་པ་འམ། རུས་གཅིག་པས་བསྲུངས་པ་འམ། ཆད་པ་ཡོད་པ་འམ། བགེགས་ཡོད་པ་གང་ཡིན་པ་དེ
273a2 དག་དང་། ཐ་ན་མེ་ཏོག་གི་འཕྲེང་བ་བཏགས་པ་ཡང་རུང་སྟེ། དེ་ལྟ་བུའི་འདོད་པའི་ཉེ་བར་ཉོན་མོངས་པ་རྣམས་ཀྱིས་སྤྱོད་པ་ལ་འཇུག་པ་ཡིན་ཏེ། དེ་ནི་འདོད་པ་ལ་ལོག་པར་གཡེམ་པ་མ་སྤངས་པ
273a3 ཡིན་ནོ། ། དགེ་སློང་དག་དེ་ལྟར་ན་ཆེད་དུ་བྱས་པའི་ལས་རྣམ་པ་གསུམ་བྱས་ཤིང་བསགས་པ་མི་དགེ་བ་སྡུག་བསྔལ་སྐྱེད་པ་རྣམ་པར་སྨིན་པ་སྡུག་བསྔལ་བ་ཡིན་ནོ།། དགེ་སློང་དག་ངག་གིས་ཆེད
273a4 དུ་བྱས་པའི་ལས་རྣམ་པ་བཞི་བྱས་ཤིང་བསགས་པ་མི་དགེ་བ་སྡུག་བསྔལ་སྐྱེད་པ་རྣམ་པར་སྨིན་པ་སྡུག་བསྔལ་བ་ཇི་ལྟ་བུ་ཞེ་ན། བརྫུན་དུ་སྨྲ་བ་ནི་དེ་ཚོགས་པའི་ནང་ན་འདུག་ཀྱང་རུང་། འཁོར་གྱི
273a5 ནང་ན་འདུག་ཀྱང་རུང་། རྒྱལ་པོའི་ཕོ་བྲང་གི་ནང་ན་འདུག་ཀྱང་རུང་། གཉེན་གྱི་ཁྱིམ་གྱི་ནང་ན་འདུག་ཀྱང་རུང་། ཆེ་བཞིས་དྲིས་ཏེ། ཀྱེ་མི་ཁྱོད་གང་ཤེས་པ་དེ་ནི་སྨྲོས་ཤིག། གང་མི་ཤེས་པ་ནི
273a6 མ་སྨྲ་ཞིག། གང་མཐོང་བ་དེ་ནི་སྨྲོས་ཤིག། གང་མ་མཐོང་བ་དེ་ནི་མ་སྨྲ་ཞིག་ཅེས་བྱས་ན། དེ་མི་ཤེས་བཞིན་དུ་ནི་ཤེས་སོ་ཞེས་ཟེར། ཤེས་བཞིན་དུ་ནི་མི་ཤེས་སོ་ཞེས་ཟེར། མ་མཐོང་བཞིན
273a7 དུ་ནི་མཐོང་ངོ་ཞེས་ཟེར། མཐོང་བཞིན་དུ་ནི་མ་མཐོང་ཞེས་ཟེར་ཏེ། དེ་བདག་གི་ཕྱིར་རམ། གཞན་གྱི་ཕྱིར་རམ། ཟང་ཟིང་ཅུང་ཟད་ཙམ་གྱི་ཕྱིར་ཤེས་བཞིན་དུ་བརྫུན་དུ་སྨྲ་བ་མ་སྤངས་པ་ཡིན་ནོ།།
iiif viewer powered by OpenSeadragon
