| e-texts navigator |
| Wylie |
267a1 ནི་བྱེད་པ་པོས་མ་བྱས་ཏེ། ལས་དང་ཉོན་མོངས་པའི་རྒྱུ་རྐྱེན་གྱིས་བསྐྱེད་པའི་དཔེའོ།། ཀྱེ་རྒྱལ་པོ་ཆེན་པོ་གཞན་ཡང་བླ་མ་ནི་ཚེ་འདིའི་དཔེའོ།། སློབ་མ་ནི་ཚེ་ཕ་རོལ་གྱི་དཔའོ།།
267a2 ཁ་ཏོན་ནི་རྣམ་པར་ཤེས་པ་ཉིད་མཚམས་སྦྱོར་བའི་དཔེའོ།། མར་མེ་སྔ་མ་ནི་ཚེ་འདིའི་དཔེའོ།། ཕྱི་མ་ནི་ཕ་རོལ་གྱི་དཔེའོ།། མར་མེ་སྔ་མ་ལས་ཕྱི་མ་བྱུང་བ་སྔ་མ་ཡོད་པ་ནི་རྟག་པ་འཕོ་བ་མ་ཡིན
267a3 པའི་དཔེའོ། ། ཕྱི་མ་དེ་སྔ་མ་ལས་བྱུང་བ་རྒྱུ་མེད་པ་ལས་མ་བྱུང་བའི་དཔེའོ།། མེ་ལོང་ནི་ཚེ་འདི་ཡོད་པའི་སྒོ་ནས་ཕྱི་མ་ཡང་ཡོད་ལ། དངོས་པོ་ཡང་མི་འཕོ་ཞིང་ཕ་རོལ་ཡང་ཡོད་པའི་དཔེའོ།།
267a4 རྒྱ་ནི་འདིར་ལས་ཅི་སྤྱད་པ་མཐུན་པར་ཕ་རོལ་ཏུ་ཡང་སྐྱེ་བ་ལེན་པའི་དཔེའོ།། མེ་ཤེལ་ནི་འགྲོ་བ་རིས་མི་འདྲ་བ་ནས་མི་འདྲ་བར་སྐྱེ་བའི་དཔེའོ།། ས་བོན་ནི་འགགས་ནས་མེད་པར་མི་འགྱུར་བའི་དཔེའོ།།
267a5 སྦྱར་ནི་མྱོང་བའི་ལས་ཀྱིས་སྐྱེ་བ་ལེན་པའི་དཔེའོ།། སྒྲ་ནི་རྒྱུ་རྐྱེན་ཚོགས་ནས་གནོད་པའི་རྐྱེན་གཞན་མེད་ན་སྐྱེ་བ་ལེན་ཏེ། གཅིག་པ་དང་ཐ་དད་པ་མ་ཡིན་པའི་དཔེའོ།། ཀྱེ་རྒྱལ་པོ་ཆེན་པོ་དཔེ་བརྒྱད
267a6 པོ་འདི་ཚང་བར་མ་སྨོས་པར་འགའ་ཞིག་བསྟན་ན་དབང་ཕྱུག་དང་། འདོད་རྒྱལ་དང་། གྱི་ན་དང་། རྒྱུ་མེད་པར་སྨྲ་བ་དག་གིས་དགེ་སྦྱོང་གོའུ་ཏ་མའི་དཔེ་འདི་དག་ཁ་ཏོན་གྱི་དཔེ་འདི་ནི་ཕུང་པོ་དང་རྣམ་པར
267a7 ཤེས་པ་གཉིས་མ་བྲལ་བར་ཕ་རོལ་ཏུ་རྣམ་པར་ཤེས་པ་འཕོ་བར་འགྱུར་ཞེས་སྨྲ་བ་དག་དགག་པའི་ཕྱིར་དཔེ་ལྷག་མ་རྣམས་བསྟན་ཏོ། ། མར་མེའི་དཔེ་ནི་འདི་དང་ཕ་རོལ་གཉིས་ཀར་ཕུང་པོ་དུས་གཅིག
iiif viewer powered by OpenSeadragon
