| e-texts navigator |
| Wylie |
266b1 འབུར་དང་རི་མོ་འབྱུང་བའི་དཔེ་དང་། མེ་ཤེལ་ལས་མེ་འབྱུང་བའི་དཔེ་དང་། ས་བོན་ལས་མྱུ་གུ་འབྱུང་བའི་དཔེ་དང་། སྐྱུར་ཞེས་བརྗོད་པས་འགྲམ་ཆུ་ལྡང་བའི་དཔེ་དང་། བྲག་ཆའི་སྒྲ་རྣམས
266b2 ཀྱི་དཔེས་རྟོགས་པར་བྱ་སྟེ། ཀྱེ་རྒྱལ་པོ་ཆེན་པོ་དཔེ་བརྒྱད་པོ་འདི་དག་གིས། སྔ་མ་སྔ་མས་ནི་ཕྱི་མ་རྣམས་འབྱུང་བ་ཡང་ཡོད་པ་ནི་རྟག་པ་འཕོ་བ་མ་ཡིན་པའི་དཔེའོ།། ཕྱི་མ་ཕྱི་མ་ནི་སྔ་མ་སྔ་མ
266b3 རྣམས་ལས་འབྱུང་བས། རྒྱུ་མེད་པ་ལས་འབྱུང་བ་འབྱུང་བ་མ་ཡིན་པའི་དཔེ་དང་། ཆད་པ་འགག་པ་མ་ཡིན་པའི་དཔེའོ།། ཀྱེ་རྒྱལ་པོ་ཆེན་པོ་གཞན་ཡང་དཔེ་འདི་དག་ནི་རྐྱེན་གསུམ་གསུམ
266b4 ཚོགས་པ་ལས་འབྱུང་སྟེ། བླ་མ་དང་སློབ་མ་དེ་གཉིས་དབང་པོ་རྣམས་སྐྱོན་མེད་པ་ལས་ཁ་ཏོན་འབྱུང་ཞིང་སྨྲ་ཤེས་པའོ།། མར་དང་། སྡོང་བུ་དང་། སྣོད་ཚོགས་པ་ལས་མར་མེ་འབྱུང་ངོ་།།
266b5 ནམ་མཁའ་དང་བ་དང་། གདོང་དང་། མེ་ལོང་ཚོགས་པ་ལས་གཟུགས་བརྙན་འབྱུང་ངོ་།། རྒྱ་དང་། འཇིམ་པའི་གོང་བུ་དང་། སྐྱེས་བུའི་ལག་པའི་རྩོལ་བ་རྣམས་ཚོགས་པ་ལས་འབུར་དང
266b6 རི་མོ་འབྱུང་ངོ་། ། ཤེལ་དང་། ཉི་མའི་འོད་དང་། རྩཝ་ཤིང་ཚོགས་པ་ལས་མེ་འབྱུང་ངོ་།། ས་བོན་དང་། ས་གཞི་དང་། བརླན་པ་རྣམས་ཚོགས་པ་ལས་མྱུ་གུ་འབྱུང་ངོ་།། ཚྭ་དང་། ཆང
266b7 འཐུང་མྱོང་བ་དང་། སྐྱུར་ཞེས་བརྗོད་པ་ལས་འགྲམ་ཆུ་ལྡང་ངོ་།། མིས་བརྗོད་པའི་སྒྲ་དང་། སྒྲ་དྲག་པོ་གཞན་མེད་པ་དང་། རི་བྲག་རྣམས་ཚོགས་པ་ལས་བྲག་ཆ་འབྱུང་སྟེ། དེ་དག་ནི་སེམས་ཅན་སྐྱེ་བ
iiif viewer powered by OpenSeadragon
