| e-texts navigator |
| Wylie |
261b1 གཞན་སུ་ཡང་རུང་བ་རྨི་ལམ་ན་སྣང་བ་དེར་ཚོར་བ་ཡོད་ན་ནི། རྨིས་པ་དེ་བདེན་པ་ཡིན་ན། དེ་རྨིས་པའི་ཕ་མ་འམ། སྤུན་ཟླ་འམ། བྲན་ཁོལ་ལམ། གཞན་སུ་ཡང་རུང་བ་རྨི་ལམ་དུ་སྣང
261b2 བ་དེ་བདེན་པར་ཇི་ལྟར་བཟུང་། ཀྱེ་རྒྱལ་པོ་ཆེན་པོ་ཚེ་མ་འཕོས་པ་ཡང་གཅིག་གིས་རྨིས་པ་གཅིག་གིས་མི་ཚོར་ན། ཚེ་འཕོས་པའི་རྨིས་པ་ཚེ་འཕོས་པ་དེ་ཡིན་པར་ག་ལ་འགྱུར་ཏེ། བག་ཆགས
261b3 རྟས་པ་ཡིན་ནོ། ། ཀྱེ་རྒྱལ་པོ་ཆེན་པོ་བག་ཆགས་ལགས་པའི་དཔེ་ནི་གཞན་ཡང་མཆིས་ཏེ། མི་ཞིག་སྔོན་ཚེ་སྟོད་ལ་མཆིས་པའི་མཁར་དང་། ཁང་པ་དང་། གྲོང་གང་ཡིན་པ་ཞིག་བོར་ཏེ།
261b4 ཡུལ་གཞན་ཞིག་ཏུ་ཚེ་སྨད་ལ་འདུག་པ་ན། སྔོན་གྱི་གྲོང་དེ་ཡང་ཞིག་སྟེ། སྔོན་མི་འདྲ་བ་ལས་མི་དེས་སྔོན་གྱི་ཁང་པའི་དབྱིབས་དང་རྒྱ་ཅི་འདྲ་བ་མ་ཞིག་པ་མ་འགྲམས་པ་རྨིས་ན། གྲོང་དང་ཁང
261b5 པ་དེ་ལ་སེམས་ཡོད་ན་ནི། ཁང་པ་དེའི་སེམས་སྣང་དུ་རུང་ན། ཁང་པ་དང་གྲོང་དེས་རྡོ་བེམ་པོ་ཡིན་ན། མི་དེས་རྨིས་པ་དེ་ཅིའི་ཕྱིར་བག་ཆགས་རྟས་པ་མ་ཡིན། དེ་བཞིན་དུ་ཚེ་འཕོས་པའི་ངན་རྟགས
261b6 དང་བཅས་པ་ཡང་ཁང་པ་ཞིག་པ་རྨིས་པ་དང་འདྲ་སྟེ། ཚེ་འཕོས་པའི་སེམས་ཀྱང་ལས་གར་མཐུན་པར་སྐྱེ་བ་བླངས་ཟིན་ན། དེ་སྣང་དུ་བཏུབ་བམ། ཀྱེ་རྒྱལ་པོ་ཆེན་པོ་དེའི་ཕྱིར་བག་ཆགས་མཐུ
261b7 རྟས་པའི་དབང་གིས། ཚེ་འཕོས་པའི་གཏན་ཚིགས་དང་ཆ་ལུགས་མཐོང་བ་དང་རྨིས་པ་ཡིན་ནོ།། དེ་བཞིན་དུ་རལ་གྲི་ལ་སོགས་པའི་གོ་མཚོན་ཐོགས་པ་དང་། གོས་དང་རྒྱན་ལ་སོགས་པ་གྱོན་པ་དང་།
iiif viewer powered by OpenSeadragon
