| e-texts navigator |
| Wylie |
260b1 ཀྱེ་རྒྱལ་པོ་ཆེན་པོ་སྦྱིན་པ་རྒྱུན་མ་ཆད་པར། ཚེ་རབས་ནས་ཚེ་རབས་སུ་ཕྱུག་དྲེགས་རྒྱགས་པ་ཡང་ཡོད། ཕྱོགས་ཧ་དང་སྦྱིན་པ་ལ་འགྱོད་པ་བྱས་པས་ཚེ་འགའ་དང་། ཚེ་སྟོང་སླང་ལ་དབུལ་ཆུང
260b2 པ་ཡང་ཡོད། དུས་ཐམས་ཅད་དུ་རྐུ་འཕྲོག་དང་སེར་སྣ་དག་ལ་གནས་པས། ཚེ་རབས་ནས་ཚེ་རབས་སུ་དབུ་ལ་རྒུད་པ་ཡང་ཡོད། རྐུ་འཕྲོག་དང་སེར་སྣ་ལ་འགྱོད་པ་བྱས་པས་ཚེ་འགའ་འམ།
260b3 ཚེ་སྟོང་སྨད་ལ་ཕྱག་དྲེགས་པ་ཡང་ཡོད་དེ། ཀྱེ་རྒྱལ་པོ་ཆེན་པོ་སྦྱིན་པའི་རྐྱེན་གྱིས་དབུལ་རྒུད་པ་ཡང་མི་འབྱུང་ངོ་།། སེར་སྣའི་དབང་གིས་ཕྱུག་དྲེགས་པ་ཡང་མི་འབྱུང་ངོ་།། ཕྱུག་དྲེགས་པ་དང
260b4 དབུལ་རྒུད་པ་འདི་གཉིས་ཚེ་སྔ་ཕྱི་ལ་བརྗེ་བ་ཡང་མ་ལགས་སོ། ། ཀྱེ་རྒྱལ་པོ་ཆེན་པོ་རྒྱལ་པོ་ཆེན་པོས་འདི་ན་རྟ་དང་གླང་པོ་ཆེ་ལ་སོགས་པ་ཞོན་པ་དང་། འདི་ན་གོས་གྱོན་པ་དང་། རྒྱན་ཐོགས
260b5 པ་དང་འདི་ན་ཟས་བཟའ་བ་དང་བཏུང་བ་དང་ལྡན་པ་རྣམས་ཚེ་འཕོས་ནས་ཕ་རོལ་ན་ཡང་དེ་བཞིན་དུ་ཞོན་པ་དང་། གྱོན་པ་དང་། ཟ་ཞིང་འཐུང་ངོ་ཞེས་འཇིག་རྟེན་པ་དག་མཆི་ན། དེ་ལྟར
260b6 ལགས་སམ་ཞེས་འདྲི་བ་ནི། ཀྱེ་རྒྱལ་པོ་ཆེན་པོ་མི་རྣམས་ཚེ་འཕོས་པའི་ཚེ། ལས་དགེ་སྡིག་གང་སྤྱད་པ་བཞིན་མཐོ་རིས་དང་ངན་སོང་དག་ཏུ་སྐྱེ་བ་ལེན་ཏེ། རྒྱལ་པོ་ཆེན་པོ་འཇིག་རྟེན་པ་དག
260b7 མཆི་བ་ལྟར་མ་ལགས་སོ། ། ཚེ་འཕོས་པ་འདིའི་ཆ་ལུགས་ལྟར་སྣང་བ་ནི། བར་སྣང་གི་ཁམས་འདིན་དྲི་ཟའི་འཇིག་རྟེན་གྱི་ཁམས་དཔག་ཏུ་མེར་པ་བསམ་གྱིས་མི་ཁྱབ་པ་མཐའ་ཐུག་པ
iiif viewer powered by OpenSeadragon
