| e-texts navigator |
| Wylie |
260a1 སྟོན་མི་ནུས་ན། ཚེ་འཕོས་ནས་ཇི་ལྟར་གཟུགས་སྣང་བར་སྟོན་ནུས། ཀྱེ་རྒྱལ་པོ་ཆེན་པོ་འཇིག་རྟེན་པ་ཁ་ཅིག་གིས་གྲགས་པ་དང་རྙེད་པ་དག་བཙལ་བའི་ཕྱིར། བཟླ
260a2 པའི་གཏམ་གྱིས་གཞན་སླུ་བར་བྱེད་པ་ལ་གནས་པར་མི་རིགས་སོ། ། ཀྱེ་རྒྱལ་པོ་ཆེན་པོ་རྒྱལ་པོ་ཆེན་པོས་འདི་ན་ཕྱག་དྲེགས་རྒྱགས་པ་རྣམས། ཕ་རོལ་ཏུ་ཡང་ཕྱུག་དྲེགས་རྒྱགས་པར་འགྱུར་རམ། འདི
260a3 ན་དབུལ་རྒུད་ཉམ་ཆུང་བ་རྣམས་ཕ་རོལ་ཏུ་ཡང་དབུལ་རྒུད་ཉམ་ཆུང་བར་འགྱུར་རམ། འོན་ཏེ་དེ་གཉིས་མི་འདྲ་བར་ཕན་ཚུན་བསྣོལ་བར་འགྱུར་ཞེས་གསུངས་པ་གང་ཡིན་པ་དེ་ནི། ཀྱེ་རྒྱལ་པོ་ཆེན
260a4 པོ་སེམས་ཅན་རྣམས་ཚེ་མ་འཕོས་པའི་སྐྱེ་བ་འདི་ལ་ཡང་། ལ་ལ་སྐྱེས་མ་ཐག་ཏུ་ཕྱུག་དྲེགས་རྒྱགས་པར་གྱུར་པ་ལས། ལོ་ལྔ་བཅུ་དང་དྲུག་ཅུ་ནས་འཁོགས་པའི་བར་དུ་དབུལ་རྒུང་ཉམ་ཆུང་བ
260a5 ཡང་ཡོད། ལ་ལ་སྐྱེས་གཞོན་དར་པའི་ཚེ་ལ་དབུལ་རྒུད་པ་ལས། ལོ་ལྔ་བཅུ་དང་དྲུག་ཅུ་ནས་འཁོགས་པའི་བར་དུ་ཕྱུག་དྲེགས་རྒྱགས་པ་དག་ཡོད་ན། ཚེ་འཕོས་ནས་ཕྱུག་དབུལ་མི་རྟག་པ
260a6 ལྟ་ཅི་སྨོས། ཀྱེ་རྒྱལ་པོ་ཆེན་པོ་དཔེར་ན་འཇིག་རྟེན་ན་རྩཝ་དང་ཤིང་ལ་སོགས་པ་དྲོ་བ་དང་བརླན་པའི་རྐྱེན་ཚོགས་པའི་ཚེ་ནི། ལོ་མ་དང་འདབ་མ་རྒྱས་པར་འགྱུར་ལ། གྲང་ཞིང་བརླན་མེད
260a7 པའི་རྐྱེན་གྱིས་བསྐམས་པར་འགྱུར་བ་བཞིན་དུ་སྦྱིན་པ་ལ་སོགས་པའི་རྐྱེན་གྱིས་ནི། ཕྱུག་དྲེགས་རྒྱགས་པར་འགྱུར་ལ། རྐུ་འཕྲོག་དང་སེར་སྣའི་དབང་གིས་ནི་དབུལ་རྒུད་པར་འགྱུར་རོ།།
iiif viewer powered by OpenSeadragon
