| e-texts navigator |
| Wylie |
259a1 དངོས་པོ་ཅན་གཅིག་ལ་གཅིག་སྣང་གི། སེམས་གཅིག་གིས་གཅིག་མཐོང་བ་ནི་མ་ཡིན་ཏེ། གཟུགས་ཀྱི་ཕུང་པོ་འདིར་བཞག་སྟེ་མེད་ན། ཕ་རོལ་ན་སེམས་གཅིག
259a2 ལ་གཅིག་ཇི་ལྟར་སྣང་སྟེ་འགྲོགས། ཚེ་འཕོས་པའི་ཕ་དང་མེས་པོ་ཡང་མེས་ལ་སོགས་པ། ད་ལྟར་ཚེ་མ་འཕོས་པའི་བུ་ཚ་གཟུགས་ཡོད་པས་ཀྱང་མི་མཐོང་ན། ཕ་རོལ་ན་ཚེ་འཕོས་པའི་ལུས
259a3 མེད་པའི་བ་དང་། མེས་པོ་དང་། ཡང་མེས་ལ་སོགས་པ་གཟུགས་མེད་པ་ཇི་ལྟར་མཐོང་ནས་འགྲོགས། ཀྱེ་རྒྱལ་པོ་ཆེན་པོ་གཞན་ཡང་འདི་ན་ཕ་དང་། བུ་དང་། སྤུན་མང་པོ་འགྲོགས
259a4 པའི་དུས་ན། ཡང་གཟུགས་སོ་སོར་སྣང་བ་ལས་མ་གཏོགས་པ། རང་གི་སེམས་ཀྱང་རང་གིས་མི་མཐོང་ན། སྤད་དང་སྤུན་གྱི་སེམས་གཅིག་གིས་གཅིག་ལྟ་ག་ལ་ཡོད་མཐོང་ན། ཚེ་འཕོས
259a5 ནས་ཇི་ལྟར་མཐོང་སྟེ། ཕ་རོལ་ན་སྤང་དང་སྤུན། མེས་པོ་དང་ཡང་མེས་ལ་སོགས་པ་ཇི་ལྟར་སྣང་ནས་འགྲོགས། ཀྱེ་རྒྱལ་པོ་ཆེན་པོ་ཐོག་མ་མེད་པའི་དུས་ན། དེ་བས་སྔ་བ་མེད་པའི་མེས་པོ
259a6 དང་ད་ལྟའི་བུ་ཚ་རྣམས་ཕ་རོལ་ན་འགྲོགས་ན། ད་ལྟ་མིའི་རུས་རིགས་དང་། ཕྱོགས་དང་རིགས་མི་གཅིག་པ་ཐ་དད་པ་མང་པོ་ཇི་སྙེད་པ་རྣམས་སོ་སོར་དགྲར་གྱུར་པ་རྣམས་དང་། གནས
259a7 གང་ན་འདུག་པ་དང་། རུས་རིགས་གཅིག་པ་དང་། སྐད་དང་ཆ་ལུགས་མ་ཐོས་པ་དང་། མ་མཐོང་བ་དག་ཀྱང་ཐོག་མ་མེས་པོ་གཅིག་ལས་གྱེས་པ་ཡིན་ན། ད་ལྟར་སྤང་དང་། སྤུན་དང་།
iiif viewer powered by OpenSeadragon
