| e-texts navigator |
| Wylie |
258a1 རིས་གཞན་རྣམས་སུ་མི་སྐྱེ་བ་ལགས་པ་ནས། དེ་བཞིན་དུ་མི་ལ་སོགས་པ་འགྲོ་བ་གཞན་རྣམས་ཀྱང་ཚེ་འཕོས་ནས། འགྲོ་བ་གཞན་དང་གཞན་རྣམས་སུ་མི་སྐྱེ་བར་རང་རང
258a2 གི་སྔ་མའི་རིགས་རྣམས་སུ་སྐྱེ་བ་ལགས་ན། ཀྱེ་རྒྱལ་པོ་ཆེན་པོ་མི་རྣམས་དང་པོ་ལྷ་ལས་གྱུར་པ་ལགས་ན། ངན་སོང་གསུམ་པོ་རྣམས་ནི་མི་རྣམས་ཀྱིས་མི་དགེ་བ་སྤྱད་པ་ལས་གྱུར་པ་ལགས
258a3 པའི་ཕྱིར། གང་ལྷ་ལ་སོགས་པའི་ཚེ་འཕོས་པ་དེ། འགྲོ་བ་རིས་གཞན་དང་གཞན་རྣམས་སུ་སྐྱེ་བ་ལགས་སོ།། ཀྱེ་རྒྱལ་པོ་ཆེན་པོ་གཞན་ཡང་། རྒྱལ་པོ་ཆེན་པོས་འདྲི་བ་ལྟར་ལགས་ན་ནི།།
258a4 ད་ལྟར་གྱི་འགྲོ་བ་རིས་དྲུག་པོ་རྣམས་མང་བ་དང་ཉུང་བ་རྣམས་ཇི་ལྟར་ཡོད་པ་བཞིན་དུ། དུས་ཐམས་ཅད་དུ་དེ་ལྟར་འགྱུར་བར་རིགས་ན། མི་རྣམས་ལས་མི་དགེ་བ་སྦྱར་བ་མང་བའི་རྒྱུས་ངན་སོང
258a5 གསུམ་པོ་རྣམས་ཕྱིར་ཞིང་མང་བ་ལ་གཟིགས། ཀྱེ་རྒྱལ་པོ་ཆེན་པོ་གཞན་ཡང་ད་ལྟར་གྱི་དགྲ་བཅོམ་པ་འདི་དག་ནི་མི་ལས་གྱུར་པ་ལགས་ན། འགྲོ་བ་རིགས་སོ་སོ་མ་འདྲེས་པར་ཡང་རིགས
258a6 སོ་སོར་སྐྱེ་ན་མི་རིགས་སོ། ། དགྲ་བཅོམ་པའི་འབྲས་བུ་ཐོབ་པར་ཡང་མི་རིགས་སོ།། ཀྱེ་རྒྱལ་པོ་ཆེན་པོ་དེའི་ཕྱིར་ན། ལས་དགེ་བ་དང་མི་དགེ་བའི་དབང་གིས་མཐོ་རིས་རང་ངན་སོང་ལ་སོགས
258a7 པར་རིས་ཐ་དད་པར་སྐྱེ་བར་འགྱུར་རོ། ། ཀྱེ་རྒྱལ་པོ་ཆེན་པོས་ལྷ་རྣམས་ཚེ་འཕོས་ནས་མི་ལ་སོགས་པ་གཞན་རྣམས་སུ་སྐྱེ་འམ། ཞེས་བྱ་བ་ལ་སོགས་པ་དྲིས་པ་ནི་དེ་དེ་བཞིན་ཏེ། དེ་དེ་ལྟར
iiif viewer powered by OpenSeadragon
