| e-texts navigator |
| Wylie |
257b1 ལྡན་འདས་གཞན་ཡང་འདི་ན་རྟ་དང་གླང་པོ་ཆེ་ལ་སོགས་པ་ཞོན་པ་དང་། འདི་ན་གོས་གྱོན་པ་དང་། རྒྱན་ཐོགས་པ་དང་། འདི་ན་ཟས་བཟའ་བ་དང་བཏུང་བ་དང་ལྡན་པ་རྣམས་ཤི་འཕོས་ནས
257b2 ཕ་རོལ་ཏུ་ཡང་དེ་བཞིན་དུ་ཞོན་པ་དང་། གྱོན་པ་དང་། ཟ་ཞིང་འཐུང་ངོ་ཞེས་འཇིག་རྟེན་པ་དག་མཆི་ན། དེ་ལྟར་ལགས་སམ། བཅོམ་ལྡན་འདས་གཞན་ཡང་འདི་ནས་ཤི་འཕོས་པ་ལ།
257b3 ཕ་མ་འམ། སྤུན་ནམ། བུ་ལ་སོགས་པ་ཉ་རིས་རྣམས་ཀྱིས་བཟའ་བ་དང་བཏུང་བ་ཉུང་ངུ་གཏད་པ་འམ། བསྔོས་པ་ཡང་བསྐལ་པ་མང་པོའི་བར་དུ་ཟད་པར་མི་འགྱུར་བར་ཟ་ཞིང་འཐུང་ངོ
257b4 ཞེས་འཇིག་རྟེན་པ་དག་མཆི་ན། དེ་ལྟར་ལགས་སམ། བཅོམ་ལྡན་འདས་གཞན་ཡང་སེམས་ཅན་འདི་ནས་ཚེ་འཕོས་པ་ལ། ཕ་མ་འམ། སྤུན་ནམ། བུ་ལ་སོགས་པ་ལ་གཏམ་བྱས
257b5 ཏེ། ཚིག་ཅི་སྨྲས་པ་དང་། གཟུགས་བྱེད་ཅི་འདྲ་བ་དེ་དག་ཚེ་འཕོས་ནས། ཕྱིས་ཕ་མ་འམ། སྤུན་ནམ། བུ་ལ་སོགས་པ་སྔོན་ཚེམ་འཕོས་པའི་དུས་ན་གཏམ་བྱས་པ་ལ་སོགས་པ་སྨྲ་བ་དང་།
257b6 གཟུགས་བྱང་དག་སྟོན་ཏེ། མཐོང་བ་དང་ཐོས་པ་ཡོད་ཅེས་འཇིག་རྟེན་པ་དག་མཆིན། དེ་ལྟར་ལགས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས
257b7 བཀའ་སྩལ་ཏོ། ། ཀྱེ་རྒྱལ་པོ་ཆེན་པོ་ཤི་འཕོས་ནས། ལྷ་རྣམས་ལྷར་སྐྱེ་བ་ལ་སོགས་པ་འདྲི་བ་ལྟར་མ་ལགས་ཏེ། ལྷ་རྣམས་ཚེ་འཕོས་པ་ཡང་ལྷར་སྐྱེས་ནས། འགྲོ་བ
iiif viewer powered by OpenSeadragon
