| e-texts navigator |
| Wylie |
256a1 དམན་པའི་རྐང་པ་གཉིས་ནི་དུས་མ་ཡིན་ནོ། ། ཟླ་བ་ཕྱེད་གཉིས་པ་ལ་ནི་རྐང་པ་བཞི་གཎྜཱིའི་དུས་ཡིན་ལ། སོར་གྱིས་དམན་པའི་རྐང་པ་གཉིས་ནི་དུས་མ་ཡིན་ནོ།། སྟོན
256a2 ཟླ་ཐ་ཆུང་གི་ཟླ་བ་ཕྱེད་དང་པོ་ལ་ནི་རྐང་ལྔ་གཎྜཱིའི་དུས་ཡིན་ལ། སོར་གྱིས་དམན་པའི་རྐང་པ་གསུམ་ནི་དུས་མ་ཡིན་ནོ།། ཟླ་བ་ཕྱེད་གཉིས་པ་ལ་ནི་རྐང་པ་དྲུག་གཎྜཱིའི་དུས་ཡིན་ལ། སོར་གྱིས་དམན་པའི
256a3 རྐང་པ་བཞི་ནི་དུས་མ་ཡིན་ནོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་ངོ་།། གཎྜཱིའི་དུས་ཀྱི
256a4 མདོ་རྫོགས་སོ། ། རྒྱ་གར་གྱི་མཁན་པོ་དཱི་བ་མ་ཀ་ར་ཤྲཱི་ཛྙཱ་ན་དང་། ལོ་ཙ་བ་དགེ་སློང་དགེ་བའི་བློ་གྲོས་ཀྱིས་བསྒྱུར་བའོ།། །
256a5 རྒྱ་གར་སྐད་དུ། ཨཱཾ་ཡུཿཡ་ཐ་བྷཱུ་ཏཱ་གྲ་ཧ་སཱུ་ཏྲ། བོད་སྐད་དུ། ཚེ་འཕོ་བ་ཇི་ལྟར་འགྱུར་བ་ཞུས་པའི་མའོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག
256a6 འཚལ་ལོ། ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་གྲོང་ཁྱེར་ཆེན་པོ་སེར་སྐྱར་ཁྱིམ་བདག་ཐམས་ཅད་འདུལ་བའི་དུས་ལ་བབ་པར་གཟིགས་ནས། དེ་དག་དད་པ་སྐྱེ་བར
256a7 བྱ་བའི་ཕྱིར་འཁོར་ལྔ་བརྒྱ་དང་བཅས་པར་གཤེགས་པ་ལས། དེའི་ཚེ་ཤཱཀྱ་དགའ་སྐྱེས་ཞེས་བྱ་བ་དར་ལ་བབ་པ། གཉེན་གྱི་སྐྱེ་བོ་ཐམས་ཅད་ལ་རབ་ཏུ་གཅེས་པ། མི་ཐམས་ཅད་ཀྱིས་བཀུར
iiif viewer powered by OpenSeadragon
