| e-texts navigator |
| Wylie |
311a1 ཞེས་བྱ་བ་རྫོགས་སོ། ། ལྷ་མོ་དྲི་མ་མེད་པའི་འོད་ཀྱིས་ཞུས་པའི་མདོ་འདི་ཤིན་ཏུ་དག་པར་ཡོད་པས་ཡིད་ཆེས་ཀྱི་གནས་སོ།། གཞན་འཁྲུགས་ཆད་ཡོད་པ་མང་བར་སྣང་སྟེ་གླེག་པ་མ
311a2 མང་དུ་བལྟས་སོ། ། ། རྒྱུ་གར་སྐད་དུ། དཱ་ཤ་ས་མ་ཛྙཱ་དེ་ཤ་སཱུ་ཏྲ། བོད་སྐད་དུ། འདུ་ཤེས་བཅུ་བསྟན་པའི་མདོ།། དཀོན་མཆོག་གསུམ་ལ་ཕྱག་འཚལ
311a3 ལོ། ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཀུ་ཤའི་གྲོང་ཁྱེར་གྱད་ཀྱི་ཉེན་ཀོར་ཤིང་སཱ་ལ་ཟུང་གི་ཚལ་ན་བཞུགས་ཏེ། ཡོངས་སུ་མྱ་ངན་ལས་འདའ་བར་དགོངས་པའི་དུས་ཀྱི་ཚེ།
311a4 བཅོམ་ལྡན་འདས་ཀྱིས། འཁོར་བཞི་པོ་རྣམས་ལ་བཀའ་སྩལ་པ། དགེ་སློང་དག་འཆི་ཀའི་དུས་ཀྱི་ཚེ། འདུ་ཤེས་བཅུ་མངོན་དུ་བསྒོམ་པར་བྱའོ།། བཅུ་གང་ཞེ་ན། ཚེ་འདིའི་སྤྱོད་ཡུལ་ལ་མ་ཆགས་པའི་འདུ
311a5 ཤེས་དང་། སེམས་ཅན་ཐམས་ཅད་ལ་སྙིང་རྗེ་དང་བྱམས་པའི་འདུ་ཤེས་དང་། ཁོན་དུ་འདུ་འཛིན་པ་ཐམས་ཅད་ཡོངས་སུ་འདོར་ཞིང་སྤོང་བའི་འདུ་ཤེས་དང་། ཚུལ་ཁྲིམས་འཆལ་ཅིང་འམས་པ་ཐམས་ཅད
311a6 བཤགས་ཤིང་ཚུལ་ཁྲིམས་ཐམས་ཅད་ཡང་དག་པར་བླང་བའི་འདུ་ཤེས་དང་། བདག་དང་གཞན་གྱིས་ཉེས་པ་ཆེན་པོ་བྱས་པ་དག་ལ་ཡང་བའི་འདུ་ཤེས་དང་། བདག་དང་གཞན་གྱིས་དགེ་བའི་རྩ་བ་ཆུང་ངུ་བྱས
311a7 པ་དག་ལ་འབྲས་བུ་དང་ཕན་ཡོན་དེ་ཆེ་བའི་འདུ་ཤེས་དང་། འཇིག་རྟེན་ཕ་རོལ་ཏུ་ཕྱིན་པའི་དག་ལ་མི་སྐྲག་ཅིང་འཇིགས་པ་མེད་པའི་འདུ་ཤེས་དང་། འདུ་བྱེད་ཐམས་ཅད་ལ་མི་རྟག་པའི་འདུ་ཤེས་དང་། ཆོས་ཐམ
iiif viewer powered by OpenSeadragon
