| e-texts navigator |
| Wylie |
309b1 སྐད་ཅེས་བཀའ་སྩལ་ཏོ། ། ངས་ཇི་སྐད་བཤད་པ་དང་། ཁྱེད་ཀྱིས་ཇི་ལྟར་དམ་བཅས་པ་བཞིན་དུ་གྲོགས་གྱིས་ལ། ངས་དགོངས་པ་ཀུན་ཐམས་ཅད་ནས་ཐམས་ཅད་དུ་མཐར་ཕྱིན་པར་གྱིས་ལ། ཅི་ནས་ལོག
309b2 པར་མི་འགྱུར་བ་དེ་ལྟར་གྱིས་ཤིག། ངས་བསྐལ་པ་མང་པོར་འཁོར་བ་ན་དཀའ་བའི་ལས་ཤིན་ཏུ་མང་པོ་དོན་དང་ལྡན་པ་དག་བྱས་པ་ལྟ་བུ་ནི་བྱང་ཆུབ་སེམས་དཔའ་གཞན་དག་གིས་ཀྱང་མ་བྱས་སོ།། ངའི་ལི
309b3 ཡུལ་འཁོར་དེར་སེམས་ཅན་ངས་ཡོངས་སུ་སྨིན་པར་མ་བྱས་པ་དེ་གང་ཡིན་པ་དེ་དག་ཕྱིས་ལི་ཡུལ་འཁོར་དུ་གནས་པར་གྱུར་ཏེ། ངའི་ཆོས་ཀྱིས་ཡོངས་སུ་གྲོལ་བར་འགྱུར་རོ།། དེ་ནས་བཅོམ་ལྡན་འདས
309b4 ཀྱིས། བསྐལ་པ་བཟང་པོའི་བྱང་ཆུབ་སེམས་དཔའ་རྣམས་ལ་བོས་ཏེ་འདི་སྐད་ཅེས་བཀའ་སྩལ་ཏོ།། ཁྱེད་ཐམས་ཅད་ལ་མདོ་འདི་དང་། ལི་ཡུལ་དང་། གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད
309b5 གཏད་དོ། ། གང་གི་ཚེ་སངས་རྒྱས་བཅོམ་ལྡན་འདས་ཀྱིས། སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། ལྷ་ཐམས་ཅད་དང་། འཁོར་ཐམས་ཅད་ལ་མདོ་འདི་དང་། ལི་ཡུལ
309b6 དང་། གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་གཏད་པ་དེའི་ཚེ། སངས་རྒྱས་བཅོམ་ལྡན་འདས་ཤཱཀྱ་ཐུབ་པའི་སྟེང་དུ་ལྷའི་མེ་ཏོག་གི་ཆར་བབ་བོ།། ལྷ་རྣམས་ཀྱིས་ལྷའི་རོལ་མོའི་སྒྲ་བསྒྲགས་སོ།།
309b7 ལྷའི་རྒྱན་གྱི་ཆར་ཡང་བབ་བོ།། དེ་བཞིན་དུ་འཁོར་དེ་དག་ཐམས་ཅད་ཀྱིས་ཀྱང་བཅོམ་ལྡན་འདས་ཇི་ལྟར་འོས་པའི་མཆོད་པས་བཅོམ་ལྡན་འདས་ལ་མཆོད་པར་བྱས་སོ།། སངས་རྒྱས་བཅོམ་ལྡན་འདས
iiif viewer powered by OpenSeadragon
