| e-texts navigator |
| Wylie |
309a1 ལྗོན་ཤིང་གི་དབང་ཕྱུག་རྒྱལ་པོ་དང་། སྙིང་རྗེའི་དབང་ཕྱུག་དང་། གཟུངས་ཀྱི་དབང་ཕྱུག་དང་། སྤོང་བའི་དབང་ཕྱུག་དང་། འོད་ཀྱི་དབང་ཕྱུག་དང་། དྲིའི་དབང་ཕྱུག་དང་། ཚོགས
309a2 ཀྱི་དབང་ཕྱུག་དང་། འཇིག་རྟེན་གྱི་དབང་ཕྱུག་དང་། འོད་གསལ་དང་། རིགས་ཀྱི་དབང་ཕྱུག་རྣམས་སོ།། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པ་བྱང་ཆུབ
309a3 སེམས་དཔའ་དེ་དག་ཐམས་ཅད་ལ་བོས་ཏེ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་དག་ཁྱེད་ངའི་ཐེག་པ་ཆེན་པོའི་མདོ་འདི་དང་། གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་ཡོངས་སུ་ཟུང
309a4 ཞིག། དེ་ནས་གསང་བའི་བདག་པོ་ལག་ན་རྡོ་རྗེ་ལ་བོས་ཏེ་འདི་སྐད་ཅེས་བཀའ་སྩལ་ཏོ།། ཁྱོད་རྟག་ཏུ་ངའི་ཕྱི་བཞིན་དུ་འབྲང་བ་ཡིན་གྱིས། མདོ་འདི་དང་། གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི
309a5 འོད་ཁྱོད་ལ་གཏད་དོ། ། གནོད་སྦྱིན་དབང་པོ་རྣམ་ཐོས་ཀྱི་བུ་དང་། གནོད་སྦྱིན་ཀུན་ཏུ་རྒྱལ་བ་དང་། ལྷའི་བུ་བློ་གྲོས་བརྟན་པ་དང་། ཀླུའི་རྒྱལ་པོ་མ་དྲོས་པ་དང་། འཕྲོག་མ་བུ་དང་བཅས་པ་དང་། ལྷའི་ངོ
309a6 བྲང་སུམ་ཅུ་རྩ་གཉིས་ཀྱི་ལྷའི་རྒྱལ་པོ་རྣམས་དང་། འཁོར་དེང་འདུས་པ་ཐམས་ཅད་དང་། སངས་རྒྱས་བཅོམ་ལྡན་འདས་འོད་ཟེར་གཏོང་བ་དེ་དག་དང་། ཕྱོགས་བཅུ་ནས་འདུས་པའི་བྱང་ཆུབ་སེམས་དཔའ
309a7 དེ་དག་ཐམས་ཅད་མདོ་འདི་དང་། ལི་ཡུལ་དང་། གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་ལ་གཏད་དེ། ཡོངས་སུ་གཏད་པའི་དམ་པས་ཡོངས་སུ་གཏད་དོ།། དེ་ནས་ཡང་དེ་དག་ཐམས་ཅད་ལ་འདི
iiif viewer powered by OpenSeadragon
