| e-texts navigator |
| Wylie |
308b1 ཤིག། སྐར་རྡོའི་ཡུལ་དུའང་མིང་པོ་ལ་སྐུལ་ཅིག་དང་། ཁྱོད་ཀྱི་སྟེང་དུ་འོད་ཟེར་རྣམས་གནས་པར་འགྱུར་རོ།། གང་གི་ཚེ་ཁྱོད་ཀྱིས་གཟུངས་སྔགས་རྣམས་རྟོགས་པར་གྱུར་པ་དེའི་ཚེ་ཁྱོད་ལ་སངས་རྒྱས་བཅོམ
308b2 ལྡན་འདས་ཉིད་གསུངས་པར་འགྱུར་ཞིང་། ལྷ་རྣམས་ཀྱང་ཅི་ནས་ཁྱོད་ཀྱི་ལས་བྱེད་ནུས་པར་འགྱུར་བ་དེ་ལྟ་བུ་རྒྱས་པར་སྨྲ་བར་འགྱུར་རོ།། དེ་ནས་དེའི་ཚེ་སངས་རྒྱས་བཅོམ་ལྡན་འདས་ཀྱིས། བྱང་ཆུབ
308b3 སེམས་དཔའ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། ། ནུ་སྡུག་ཇི་ལྟར་བཅོམ་ལྡན་འདས་རིན་ཆེན་སྙིང་པོ་གྲོང་ཁྱེར་དུ་གཤེགས་པའི་ཚེ། འུ་བུ་ཅག་གཉིས་སངས་རྒྱས་ཉིད་དུ་ལུང
308b4 བསྟན་པ་ཐོབ་ནས། དེར་དེ་སྐད་དུ་ཕྱོགས་བཅུན་སེམས་ཅན་འཇིགས་ཤིང་སྐྲག་པ་ཇི་སྙེད་ཡོད་པ་དེ་དག་ཐམས་ཅད་བདག་གིས་སྐྱབས་བྱེད་པར་གྱུར་ཅིག། དེ་སྐད་ཅེས་སྨོན་ལམ་བཏབ་པའི་དུས་དེ་དྲན་པར
308b5 གྱིས་ལ། དངའི་ལི་ཡུལ་འདི་དང་། ལྷ་མོ་དྲི་མ་མེད་པའི་འོད་དང་། གཞོན་ནུ་རྡོ་རྗེ་སྡེ་ལ་གཏད་པ་འདི་ཁྱོད་ཀྱིས་ལོང་ཞིག། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་ཀུན་ཏུ་བཟང་པོ
308b6 དང་། འཇམ་དཔལ་དང་། ནམ་མཁའི་སྙིང་པོ་དང་། མཐུ་ཆེན་ཐོབ་དང་། སྨན་གྱི་རྒྱལ་པོ་དང་། རབ་སྦྱིན་དཔའ་བོ་དང་། སའི་སྙིང་པོ་དང་། བྱམས་པ་དང་། བྱང་ཆུབ་སེམས་དཔའ་སྤྱན་རས
308b7 གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། ། སྔོན་འདིའི་ཕུ་ནུ་བོ་དང་གྲོགས་སུ་གྱུར་པ་དང་། རྟག་ཏུ་འགྲོགས་འགྲོགས་པ་ནི་འདི་དག་ཡིན་ཏེ། སྣ་ཚོགས་ཀྱི་ལྷ་དང་། དབང་ཕྱུག་གི་ལྷ་དང་།
iiif viewer powered by OpenSeadragon
